Радовиш
ЈАВЕН ПОВИК за пријава на материјална штета настаната како последица на природна непогода, силно невреме, обилни врнежи од дожд, град, силен ветер, поплава или друга елементарна непогода
Објавено на
Од
Media Press
Општина Радовиш ги повикува граѓаните кои имаат претрпено материјална штета настаната како последица на природна непогода, силно невреме, обилни врнежи од дожд, град, силен ветер, поплава или друга елементарна непогода што го зафати подрачјето на Општина Радовиш на ден 21.07.2026 година (вторник), да ја пријават штетата до Општинската комисија за процена и утврдување на висината на штети од природни непогоди и други несреќи.
Барањето за пријавување на штета, пополнето со бараните податоци и документи, се доставува до
Архивата на Општина Радовиш,
ул. Булевар Александар Македонски бр. 7, Радовиш,
најдоцна до 05.08.2026 година.
Истото може да се подигне во Архивата или да се преземе од официјалната веб-страница на Општина Радовиш www.radovis.gov.mk
Во Барањето задолжително е да се опише настанатата штета и точната локација на која е настаната.
Во прилог на Барањето, подносителот задолжително доставува:
- Копија од лична карта;
- Копија од трансакциска сметка;
- Доказ за сопственост или користење на недвижниот имот (имотен лист, договор за закуп или друг соодветен документ);
- Фотографии од настанатата штета;
- Пополнета Пријава за штета;
- Изјава за штета;
- Изјава дека имотот не е осигуран.
Пријавувањето на штетите може да се изврши во рок од 7 (седум) работни дена од денот на настанувањето на природната непогода, односно најдоцна до 05.08 2026 година.
Поднесените барања ќе бидат разгледани од страна на Општинската комисија за процена и утврдување на висината на штети од природни непогоди и други несреќи, која ќе изготви Првичен извештај и ќе го достави до Советот на Општина Радовиш и до Владата на Република Северна Македонија.
Барањата доставени по истекот на рокот, некомплетните барања, како и барањата за кои не може да се воспостави контакт со подносителот поради недоставени или неточни контакт-податоци, нема да бидат предмет на разгледување и процена.
ОПШТИНА РАДОВИШ
Општинска комисија за процена и утврдување на висината на штети
од природни непогоди и други несреќи
Претседател
Наташа Иванова Вучкова
Поврзани содржини
Радовиш
ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет
Published
5 часа agoна
ноември 16, 2026By
Media Press
Во чест на еден од најзначајните великани на македонската национална и јазична мисла, Крсте Петков Мисирков, во ОНБ „Браќа Миладиновци“ – Радовиш, се одржа научна трибина посветена на неговиот живот, дело и визија.
Трибината беше организирана од библиотеката „Браќа Миладиновци“ , во соработка со Комисијата за култура, образование и спорт на општина Радовиш.
На темата „Мисирков и неговата визија за македонската иднина“ говореа проф. д-р Елка Јачева-Улчар и проф. Јовица Илиќ, кои преку своите излагања го доближија ликот и делото на Крсте Петков Мисирков пред присутните. Модератор на настанот беше Гордана Здравкоска која со професионален пристап, внесе јасност и динамика на настанот.
Преку внимателно осмислените воведувања, промислените прашања и умешното поврзување на излагањата, таа овозможи темата да биде осветлена од различни аспекти, а мислата на Мисирков да се согледа во нејзината историска, јазична и национална длабочина.
Оваа средба имаше и посебна историска симболика. Се одржа непосредно пред 18 ноември, денот на раѓањето на Мисирков во 1874 година, а во годината кога се навршуваат 100 години од неговата смрт (26 јули 1926 година).
Во топла и пријатна атмосфера, исполнета со почит кон македонското историско и културно наследство, трибината обедини гости, пријатели и колеги македонисти во заедничко чествување на личноста чии идеи оставиле длабока и трајна трага во македонската историја.
Радовиш
Кривична пријава за „фалсификување службена исправа“ против двајца полициски службеници од ОВР Радовиш
Published
2 недели agoна
октомври 30, 2026By
Media Press
СВР
Струмица-ОВР Радовиш, до ОЈО ГОКК, поднесе кривична пријава против Б.Ч.(31) од
село Конче, радовишко, поради постоење на основи на сомнение дека сторил
кривично дело „фалсификување службена исправа“ по член 361 и против Б.Б.(38) од
Радовиш дека сторил кривично дело „соизвршителство“ по член 22, а во врска со
„фалсификување службена исправа“ од Кривичниот законик.
На 13.10.2026, пријавените, полициски службеници од ОВР Радовиш, изготвиле
и приложиле службен извештај со невистинити податоци. Имено, по завршување на
службената задача која им била доделена, подготвиле извештај во кој навеле
период од смената во кој не постапувале по наредбата, а во делот за
контролирани возила внеле податок дека имаат извршено контрола над седум
возила. Таквиот извештај бил потпишан од одговорниот полициски службеник,
првопријавниот Б.Ч.. Во прилог на писмениот извештај доставиле табеларен
преглед во кој имале внесено податоци за контролирани возила со марка,
регистарски ознаки и лице кое го управувало, а времето на контрола кај дел од
возилата било во период за кој претходно сами писмено во извештајот навеле дека
не постапувале по задачи од наредбата. Од дополнително преземените мерки и
извршени разговори со лицата наведени како возачи е утврдено дека на тој датум
не биле запрени и контролирани од полициски службеници.
Радовиш
АХВ со вонредни контроли во месарниците – во Радовиш и Пепелиште одземени околу 2 тони месо и производи од месо
Published
3 недели agoна
октомври 29, 2026By
Media Press
Инспекциските служби на Агенцијата за храна и ветеринарство вчера, спроведоа вонредни инспекциски контроли во малопродажни објекти за месо, подготовки и преработки од месо на подрачјето на Општина Радовиш и кај физичко лице во неготинското село Пепелиште, кое произведувало и преку социјалните мрежи продавало димени месни производи и чварки.

При контролите во Радовиш одземени се околу 2 тони небезбедно свежо и замрзнато месо и подготовки од месо, кои денес ќе бидат уништени на депонијата „Дрисла“.
Во Пепелиште, од физичко лице кое вршело неодобрена дејност од страна на Агенцијата – производство на димени месни производи и чварки, одземени се дополнителни 50 килограми подготовки од месо (печеница, кулен, димена сланина и сл).
Одземените производи се без декларација за потеклото и биле чувани и преработувани во несоодветни и нехигиенски услови, што претставува сериозен ризик за безбедноста на храната и здравјето на потрошувачите.
Надлежните институции продолжуваат со спроведување на инспекциски контроли со цел заштита на здравјето на граѓаните и спречување на нелегално производство и промет на небезбедна храна.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!












