Радовиш му оддаде почит на великанот Гоце Делчев, со положување свежо цвеќе на спомен обележјето во Паркот на младите
Денеска во Радовиш беше одбележан 4 мај – денот на загинувањето на најголемиот
македонски револуционер и основоположник на Македонската револуционерна
организација, Гоце Делчев, односно 123-годишнината од смртта на великанот на македонското
револуционерно дело.
Со полагање на свежо цвеќе на спомен обележјето во Паркот на младите во Радовиш, беше одадена почит према великанот, а учениците од ООУ Крсте Петков Мисирков, Радовиш, одржаа Беседа за Гоце Делчев „Аманет на Султана, аманет на сите мејки“.
Свежо цвеќе положија повеќе делегации. Делегација од Општина Радовиш со градоначалникот Љупче Почивалец, делегација на советот на Општина Радовиш предводена од претседателот Гоце Дединец. Делегација на пратеничката Моника Трајанова, делегација на Сојузот на борците, делагација ОК на ВМРО ДПМНЕ, делегација на ОО на СДСМ, делегација од Здружението на пензионери, делегација на Здружението за заштита на Човековите права. Делегација на Унија на ветерани при ВМРО – ДПМНЕ, делегација на Унија на жени при ВМРО -ДПМНЕ, делегација на ЈЗУ Здравствен Дом, Радовиш и делегација на ЈП Плаваја, Радовиш.
Учениците од ООУ Никола Крев од Радовиш се поклонија пред
спомен обележјето на Гоце Делчев кој пред повеќе од еден век го разбра светот како поле за
културен натпревар на народите. Делчев, беше убиен од османлиската војска на 4 мај 1903
година во селото Баница, на пат кон Сер.