Промовирана книгата ,,Радовиш и Радовишко од памтивек до денес“
Промовирана книгата ,,Радовиш и Радовишко од памтивек до денес“,од авторот Оливер Бојаџиев, во ОНБ „Браќа Миладиновци“ – Радовиш, а по повод Светски ден на книгата и
авторското право.
-Ова значајно дело е резултат на долгогодишна посветеност и
истражувачка работа. Во книгата е претставена богатата историја на Радовиш и
Радовишко, збогатена со архивски податоци, сведоштва и вредни записи што го
поврзуваат минатото со сегашноста истакна авторoт Бојаџиев.
Авторот
Оливер Бојаџиев, преку ова дело, остава траен белег во афирмацијата на локалната историја,
традиција и културни вредности.
Промотор на
книгата беше Игор Чапов, кој со својот стручен и аналитички пристап понуди
продлабочен осврт на содржината и значењето на книгата.
Добредојде на присутните им посака и директорката на
билиотеката Валентина Ристова која се осврна на значењето на Светскиот ден на книгата и авторското право, во чии
рамки беше и самата промоција.
Во рамките
на настанот беше поставена и изложба посветена на Радовиш, која преку визуелни
елементи го долови духот, традицијата и културното богатство на нашиот град
Радовиш.
Настанот беше дополнително збогатен со музичка илустрација, чиј настап внесе посебна емоција и уметничка димензија во целокупната преубава атмосфера.