Василево
Креативна еко-работилница во градинката „Прва радост“ во Василево
Објавено на
Од
Media Press
Во детската градинка „Прва радост“ во Василево, дечињата учествуваа во креативна еко-работилница, каде преку игра учеа дека со рециклирање старите неупотребливи работи повторно можат да се вратат во „живот“, давајќи им нови форми и намени, односно од старите неупотребливи работи може да се добијат нови употребливи.
Конкретно, дечињата заедно со своите родители и воспитувачи на старата неупотреблива облека и даваа нов „живот“, употребувајќи ја како материјал во изработката на нивните уметнички творби.

Во работилницата учествуваше и градоначалникот на општина Василево, Славе Андонов, кој преку личен пример дава поддршка на активности и дополнително ги мотивира децата да се однесуваат еколошки, да ја чуваат и негуваат животната середина.
„Малите раце создаваа големи идеи за почиста иднина! Преку игра, дружење и тимска работа, со најмладите изработувавме интересни и уникатни предмети од текстилен отпад.
Во рамките на Еко месецот, во градинката „Прва радост“ се одржа креативна работилница со учество на децата и нивните родители. Работилницата имаше за цел да ја подигне свеста за правилно управување со текстилниот отпад и да покаже дека старите материјали можат да добијат нова и креативна употреба“, стои во ФБ објавата на градоначалникот на општина Василево Славе Андонов.
Креативната еко работилница со најмалите во детската градинка е една од планираните активности во април-еко месецот, како чекор кон почиста и позелена животна средина, во чии рамки досега се поставени контејнери за текстилен и електронски отпад на неколку локации, изградена е стаклената градина во дворот на ООУ „Гоце Делчев“, Василево, а следува набавка на бесплатни канти за собирање на отпад од пакување, садење на дрвја а во месец мај и традиционалната масовна еко акција – Генералка викенд која ќе се спроведе на повеќе локации низ населените места на општината.
Целта на сите овие активности е подигање на јавната свест за значењето и улогата на секој поединец во зачувувањето на животната средина.

.
Поврзани содржини
Василево
Пензионерите од Василево добија пензионерски клуб
Published
4 часа agoна
ноември 16, 2026By
Media Press
Викендов, во Домот на културата, градоначалникот на општина Василево Славе Андонов, заедно со пензионерите, со пригодна свеченост го означија официјалното отвaрање на клубот за дневен престој на пензионерите.
„Грижата за нашите пензионери е наша обврска. Општина Василево за првпат обезбеди просторија наменета за пензионерски клуб, сместен во Домот на културата во Василево. Нашите пензионери, нашите дедовци и татковци, заслужуваат пристојни услови за секојдневно дружење, разговор и меѓусебна дружба. Ова е мал, но значаен чекор со кој покажуваме дека ги почитуваме оние кои со својот труд и посветеност ги поставија темелите на нашето општество“, стои во информацијата споделена на социјалните медиуми.

Клубот е лоциран на приземјето на Доmот на културата во Василево, во поранешните простории на ЈПКД „Турија# Василево. Општина Василево во изминатиот период изврши комплетно реновирање и адаптација на просторот кое опфаќаше малтерисување и боење на ѕидовите, поставување на нов под, нови плочки и санитарни елементи, врати и прозорци и нови светлосни тела.
Буџетот за сите планирани и реалзирани активности, согласно Договорот за јавна набавка со компанијата изведувач на работите изнесува 1 015 612 денари, средства кои општината ги обезбеди од сопствените извори на проходи.
Со Одлука на Совет просториите се дадени на користење на Здружението на пензионери на Струмица, како би можело овој пензионерски клуб непречено да функционира, односно да биде во функција на потребите на пензионерите.

Василево
Граѓаните на Ангелци на средба со Градоначалникот на Општина Василево, за креирање на Буџетот за 2027
Published
4 недели agoна
октомври 21, 2026By
Media Press
Синоќа, градоначалникот на општина Василево Славе Андонов, беше во населеното место Ангелци, каде заедно со месното население разговараше за планираните активности, потреби и проекти кои како дел од Буџетот за наредната година би биле реализирани во ова населено место.

Едно од приоритетните прашања, за кои граѓаните бараат решавање е дислокација на дивата депонија како и доизградба на преостанатите краци од системот за фекална канализација, со што сите домаќинства би добиле можност за приклучување.
„Буџетот го креираме заедно со граѓаните на Ангелци! Одржавме средба со жителите на Ангелци, на која разговаравме за нивните потреби и приоритети за претстојниот буџет на Општина Василево. Клучни проекти за Ангелци се:
-Целосно дислоцирање на дивата депонија
-Продолжување со асфалтирање на улиците, со цел сите да бидат асфалтирани до крајот на мандатот,
– Оградување на училишниот двор на ООУ „Гоце Делчев“
-Изградба на преостанатите краци од фекалната канализација.
Ги повикувам сите граѓани активно да се вклучат во креирањето на буџетот, да ги споделат своите предлози и идеи и да помогнат во утврдувањето на приоритетите за нивните населени места. Заедно ги планираме проектите и ја градиме иднината на Општина Василево“, порачува градоначалникот Андонов од синоќешната средба со жителите на населеното место Ангелци. На средбата присуствуваа и Даниел Иванов – директор на ЈПКД „Турија“, Василево и Томе Спасов, директор на АД Водостопанство, подружница Струмица.
Василево
Општина Василево започна со креирање на Буџетот за 2027 година, преку средби со граѓани
Published
4 недели agoна
октомври 20, 2026By
Media Press
Градоначалникот на општина Василево, Славе Андонов, синоќа во населеното место Радичево, одржа отворена граѓанска средба за креирање на Буџетот за 2027 година.
Граѓаните во непосредна дискусија имаа можност да ги кажат потребите за населеното место, да дават предлози, да разговараат околу приоритетите но и можностите,, се во насока на подобрување на условите во кои се одвива нивното секојдневие.
„Буџетот го креираме заедно со граѓаните! Бевме во Радичево, каде што отворено разговаравме со жителите за нивните потреби, предлози и приоритети за наредниот период.
Радичево е населено место каде што дадениот збор се претвора во реализирани проекти! Во Радичево го реализиравме нашиот најголем капитален проект – изградбата на фекалната канализација, со што покажавме дека ветувањата се исполнуваат со конкретни дела. Тоа е нашата обврска и принцип на работа. Врз основа на реалните потреби на граѓаните, ќе ги креираме и идните приоритети, со јасна цел – ветеното да го реализираме и во наредниот период! Ветеното го реализираме. Продолжуваме посветено, заедно со граѓаните!“, стои во ФБ објавата на Градоначалникот.
На средбата присуствуваа и директорот на ЈПКД „Турија“, Даниел Иванов, директорот на АД „Водостопанство“, подружница Струмица, Томе Спасов како и дел од вработените во општинската администрација.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!



























