Почитувани колеги риболовци, пријатели и љубители на
природата,
-Време е да ја погледнеме вистината во очи. Ги имаме официјалните податоци од јавен карактер добиени од МЗШВ и ДИЗ од 2024 за тоа колку државата собира од концесионерите, а на собрание колку МРФ од нас – обичните риболовци. Подгответе се за шок, реагираат од ФБ групата Ribolov vo Makedonija .
ПОРАЗИТЕЛНАТА РЕАЛНОСТ: Вкупниот приход во 2024
г. што државата го собрала од СИТЕ концесионери во Македонија изнесува
само 41.576 евра. Со овие
пари, државата не може да купи ниту еден нов, квалитетен теренски џип за
рибочуварската служба. Ниту еден! Дали со вака планираме да ги
заштитиме нашите езера и реки од организиран рибокрадство?
Во објавениот пост во кој се прави анализа на уплатените средства од чланарина, се вели:
„МОЌТА НА РИБОЛОВЦИТЕ: Само преку чланарини (11.134 риболовци по 400 денари), ние сме собрале во МРФ за 2024 4.453.600,00 денари односно 72.416 евра. Тоа е речиси ДВОЈНО ПОВЕЌЕ од сите концесионери заедно! Ние, со нашите скромни чланарини, сме поголем столб кој е сега без глас, угушен од сите бизнис-интереси на водите во Македонија.
РЕШЕНИЕТО ШТО НИКОЈ НЕ СМЕЕ ДА ГО ИГНОРИРА: Ако
државната дозвола се намали од нереалните 9.000 на разумни 4.500 денари,
и сите овие 11.134 риболовци извадат државна дозвола: ДРЖАВАТА БИ
ИНКАСИРАЛА 814.680 ЕВРА! (над 50 милиони денари).
Што значи ова во пракса? Наместо да се молиме за
еден половен џип, со 814.000 евра годишно можеме да
имаме: 30 НОВИ ТЕРЕНСКИ
ВОЗИЛА на секој агол од државата. Професионална и
добро платена рибочуварска служба. Масовно порибување
кое ќе ги врати рибите во нашите води.
ПРАШАЊЕТО Е ЕДНОСТАВНО: Кому му одговара да се собираат „трошки“ од 41.000 евра, наместо сериозен буџет од 800.000 евра? Зошто се одржува систем кој ги брка риболовците, а им оди во прилог само на рибокрадците?“ стои во објавата.
Ribolov
vo Makedonija – Fishing in Macedonia