Connect with us

Македонија

„Стандард и Пурс“ го потврдија рејтингот ББ- со стабилен изглед: фискалната политика на државата е насочена кон постепена консолидација и поддршка на економскиот раст

Media Press

Објавено на

Агенцијата за кредитен рејтинг „Стандард и Пурс“ го потврди кредитниот рејтинг на РС Македонија ББ- со стабилен изглед, согласно најновиот извештај објавен денеска.

Во извештајот се наведува дека економскиот раст во 2026 година се проектира на околу 3,4%, поддржан од силната домашна побарувачка, континуирано високото ниво на јавни инвестиции, особено во клучни инфраструктурни проекти.

Агенцијата оценува дека ваквите инвестиции, заедно со растот на платите и пензиите, ќе продолжат да ја поддржуваат економската активност.
На среден рок, се очекува стабилизирање на економскиот раст на ниво нешто над 3%, со потенцијал за дополнително зајакнување преку приватни инвестиции и постепено закрепнување на надворешната побарувачка.

Истовремено, во извештајот се посочуваат и одредени ризици, пред сè поврзани со геополитичките случувања, особено конфликтот на Блискиот Исток, кој може да влијае врз инфлацијата, цените на енергијата и економските текови кај главните трговски партнери на земјата.

Во делот на јавните финансии, „Стандард и Пурс“ оценува дека фискалната политика на државата е насочена кон постепена консолидација, при истовремено задржување на силна поддршка за економскиот раст преку инвестиции и поддршка на животниот стандард.
Буџетскиот дефицит се очекува постепено да се намалува во наредниот период, додека јавниот долг останува на контролирано и одржливо ниво на среден рок, во функција на развојните приоритети на економијата.

Во однос на структурните политики, се нагласува дека процесот на европска интеграција останува клучен двигател на реформите, и покрај тековните предизвици поврзани со пристапниот процес.

Воедно, се препознаваат напорите на Владата за унапредување на институционалните капацитети, зајакнување на владеењето на правото и спроведување антикорупциски мерки.

Кредитниот рејтинг претставува важен индикатор за инвеститорите и меѓународните финансиски пазари, бидејќи го одразува нивото на ризик и довербата во економските политики на државата.

Министерството ќе продолжи со спроведување на политики насочени кон одржување на макроекономската стабилност, постепена фискална консолидација, поддршка на инвестициите и унапредување на економскиот раст, со цел обезбедување повисок животен стандард за граѓаните.

прикажи повеќе

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе