Connect with us

Радовиш

Постхумно признание Општина Радовиш додели на Душко Чифлиганец, за спортските достигнувања и успеси

Media Press

Објавено на

Постхумно признание Општина Радовиш додели на Душко Чифлиганец, за спортските достигнувања и успеси на одржаната манифестација Спортист на годината за 2025 година,

Душко Чифлиганец како млад човек со изразен спортски и бизнис дух, потекнуваше од Радовиш и остана длабоко поврзан со својот роден град и негов жител до крајот на својот краток живот. Како успешен бизнисмен и страстен спортист, тој веруваше дека развојот на заедницата мора да оди паралелно – и во спортот и во економијата.

Неговата визија беше Радовиш да се унапредува преку современи спортски услови и здрави животни навики, гледајќи го спортот како алатка за личен и општествен напредок.

За Душко, спортот не беше само натпревар, туку средство за градење карактер. Тој веруваше дека редовниот тренинг создава дисциплина, одговорност и внатрешен ред, кои подоцна се пренесуваат во сите области од животот.

Неговите најзначајни спортски резултати се поврзани со мотоциклизмот, дисциплина во која остави силен и препознатлив печат. Меѓу поважните остварувања се издвојуваат првото место во класата Формула 1000 на Шампионатот на Северна Македонија (2022, Серес, Република Грција), како и второто место на истата патека во 2021 година. На меѓународна сцена, Душко постигна прво место на BMU European Road Racing Championship – WINBET Grand Prix 2022 (Формула 1000), второ место на BMU European Road Racing Championship 2021 и трето место на BMU European Road-Racing Round 2. Неговата спортска зрелост беше потврдена и со победата на Extreme Trackdays – Serres, Superpole 1000 (2024), во силна меѓународна конкуренција.

Покрај мотоциклизмот, Душко беше активен и во други спортови кои значајно го обликуваа неговиот карактер. Во помладите години се посвети на карате, освојувајќи медали на меѓународни и регионални натпревари, меѓу кои International Super ENPI Cup (Суботица, 2002) и South–East European Karate Cup (Белград, 2005). Учествуваше и успешно завршуваше полумаратони на меѓународни маратони во Будимпешта и Скопје, а беше активен и во велосипедизам, планински спортови и рекреативен фудбал. Со години ја градеше својата спортска биографија низ континуирана дисциплина и јасна свест дека физичката подготвеност и менталната стабилност се нераздвојни.

Спортските достигнувања на Душко Чифлиганец се јасно сведоштво за неговиот карактер, доследност и вредносен систем. Спортот за него не беше минлива фаза, туку длабоко вкоренета животна навика.

Радовиш се гордее со вакви спортисти кои го промовираат како град насекаде во светот. И сосема заслужено му ја доделува оваа плакета на младото момче, за кое само небото беше граница на неговиот ентузијазам и желба за поголеми достигнувања на секое поле.

прикажи повеќе

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе