Connect with us

Македонија

Излезе десеттиот број од меѓународното научно списание „Безбедност“

Media Press

Објавено на

Со особено задоволство Ви го претставуваме десеттиот број на возобновеното Меѓународно научно списание на Министерството за внатрешни работи „Безбедност“.

Со издавањето на овој број заокружуваме една целина во која на јавноста и го доближивме списанието „Безбедност“, кое стана препознатливо и прифатено во научната и професионалната фела, со теми поврзани со безбедноста, полициските работи, човековите права, криминалистиката, криминологијата и други теми значајни за развојот на научната мисла во областите на дејствување на МВР и македонската полиција.

Се наоѓаме во период во кој како никогаш порано треба да ги вклучиме сите ресури, сето знаење и собрано искуство во безбедноста и полициските работи, за да одговориме на предизвиците со кои се соочува нашата држава и да го продолжиме патот на развој за стабилна, безбедна, модерна и успешна Македонија. 

Во овој број ќе можете да прочитате вкупно единаесет научни и стручни трудови со теми значајни за полициската практика, кои ќе бидат користени за развој на стратегии и политики засновани на докази. Опфатени се широки теми како градењето на стратегии за развој на полицијата, сајбер безбедноста, дигиталната корупција, еколошките кривични дела, заканите по националната и меѓународната безбедност, но и најсовремените модели на контрола и безбедност во сообраќајот, како Визијата Нула која треба да ни донесе многу поголема безбедност во сообраќајот на патиштата.

Како министер за внатрешни работи, секогаш ќе ја поддржувам соработката помеѓу професионалците во МВР и научните работници, уверен дека само преку отворена соработка, размена на податоци и информации, подготовка на квалитетни анализи и научни истражувања можеме да ја градиме полицијата која е вистински сервис на граѓаните и столб на функционирањето на правната држава. 

Свесен дека образованието на вработените е корисна алатка за градење на човечките капацитети и професионалци подготвени да дадат силен придонес за развојот на полициските практики, во ова обраќање сакам да ги поттикнам вработените во министерството да се вклучат во професионални истражувања и да ја користат можноста која ја нуди списанието „Безбедност“ за да ги прочитаат најсовремените пристапи за работа, но и да ги објават своите научни и стручни сознанија за процесите, моделите, методите на работа кои и самите ги практицираат.

Веќе од наредниот број, списанието ќе започне да се објавува и на англиски јазик, со што Вашите научни и стручни текстови ќе ги направиме достапни за многу поширока читателска публика, а ќе започнеме и процес за индексирање на списанието во меѓународните бази на научни трудови. Тоа ќе ни овозможи поширок опсег на соработка, зголемена видливост на научните трудови и отвореност за нови перспективи и идеи кои ќе бидат применети во секојдневното работење на полицијата.

Извор: МВР

прикажи повеќе

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе