Connect with us

Радовиш

ЗДРАВКО ТРАЈАНОВ: Апсолутна клевета, ЈП „Национални шуми“ нема никаква поврзаност со тендери за набавка на огревно дрво во училиштата во Радовиш

Media Press

Објавено на

Генералниот директор на ЈП Национални шуми Здравко Трајанов по објавените информации на веб сајтот, TV Kanal VIS – Strumica, ги отфрла сите обвинувања за било каква поврзаност со снабдување со огревно дрво на училишта во Радовиш.

„Апсолутна клевета, ЈП „Национални шуми“ нема никаква поврзаност со тендери за набавка на огревно дрво во училиштата во Радовиш, ниту споменатата приватна фирма врши достава на огревно дрво во училиштата. Тендерот го има добиено сосема друга фирма и пласираните информации се неточни“, вели Трајанов во својот демант за ТВ Кобра.

Инаку Трајанов беше спомнат за наводна поврзаност со корупциски скандал околу тендерите за огревно дрво за училиштата во Радовиш.

„Во Радовиш се отвора нов корупциски скандал кој ги потресува и Национални Шуми и локалните образовни институции. Фирмата „Ивели“, сопственост на сопругот на директорката на Правниот сектор во Национални Шуми – директорка која, според достапните информации, е и братучедка на генералниот директор Здравко Трајанов, ги добивала тендерите за огревно дрво за училиштата во Радовиш“ стои во објавата на TV Kanal Vis.

Инаку како што дознаваме тендерот за набавка на огревни дрва во училишта во Радовиш го има добиено фирмата „ ДРВАРА СТРАШКО“, ПДОО, Радовиш.

Јавната набавка ја има спроведено Општина Радовиш, со поддоговори на училиштата „Орце Николов“, Ињево и „Крсте Петков Мисирков“, Радовиш подрачно училиште во Коџалија, со фирмата добавувач. Огревното дрво е доставено во училиштата на почетокот од месец ноември и на денот на доставата, неофицијално дознаваме дека немало никакви забелешки околу квалитетот на дрвата.

Во понатамошна постапка, останува на надлежните институции да утврдат дали имало неправилности во реализацијата на набавката.

Во прилог договорот на Општина Радовиш, за Јавна набавка на дрва или пелети, кој е јавно достапен.

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе