Струмица
Министерот Перински денеска во посета на Струмица, со градоначалникот Јанков, на увид во градежните работи на новиот зелен парк
Објавено на
Од
Media Press
Градоначалникот Петар Јанков и министерот за локална самоуправа Златко Перински денеска извршија увид во градежните работи на новиот парк во населбата Карпош и засадија дрвца најавувајќи ја следната фаза од неговото уредување.
Според градоначалникот Јанков во наредниот период ќе се врши уредување и раззеленување и на други јавни површини.

-Паркот е со големина од 27.515 метри квадратни и се работи во две фази, во тек е првата која се реализира преку програмата Интеррег во соработка со Европската Унија и министерството за локална самоуправа . Втората фаза ќе биде реализирана во соработка со УНДП – амбасадата на Шведска и министерството за животна средина. Наша обврска е да го уредиме просторот околу паркот со соодветна патна инфраструктура, асфалтен пат, тротоарски пешачки зони за да можата нашите сограѓани да имаат подобар пристап до овој дел на градот и нормално јавното претпријатие „Комуналец“ да го уреди просторот околу паркот. Овде не застануваме. Во периодот којшто следува ќе имаме и други активности за уредување на јавни површини, озеленување и нивно одржување како во градот така и во населените места, изјави градоначалникот Јанков.

Министерот Перински рече дека токму од Струмица продолжува караванот „Каде што срцето е дома“ и очекува реализација на уште многу инфраструктурни проекти.
-Имавме прилика денеска отворено да позразговараме и со градоначалникот и со новоизбраниот општински совет за сите оние предизвици со кои општина Струмица на дневна основа се соочува. Од наша страна беа презентирани сите оние активности коишто Министерството за локална самоуправа и Владата како целина ги прави за да помогне општините да бидат пофункционални и поуспешни во спроведувањето на своите изворни надлежности. Главен фокус ставивме во делот на проектот Ресурсен центар, и општина Струмица, градоначалникот и нејзината општинска администрација ќе биде првата општина којашто ќе го добие оној Прирачник кој како производ излезе од Ресурсниот центар во насока на помош и поддршка во делот на транзицијата на локалната власт. Јас сум убеден дека со градоначалникот, со неговиот ентузијазам, со ентузијазмот на новите членови на Советот, општина Струмица ќе има можност за реализација на уште многу вакви инфраструктурни проекти коишто се одговор на барањата на струмичани. Нека е со среќа, изјави министерот Перински.
Со новиот парк се добива целосно уредена зелена зона за жителите во новиот дел на градот, односно во населбата Карпош и намалување на загадувањето на воздухот.

Поврзани содржини
Струмица
Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица
Published
3 дена agoна
ноември 13, 2026By
Media Press
ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА
Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.
Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.
Најдобрите идејни решенија ќе ги избира стручна жири-комисија.
Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.
Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.
Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.
Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.
Струмица
Општина Струмица денес ја одржа 18-та седница на Советот на општина Струмица
Published
3 дена agoна
ноември 13, 2026By
Media Press
Нови развојни планови за Струмица, финансиска стабилизација и инвестиции во 2027 година!
На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.
Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.
Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.
На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.
Струмица
Ново мултифункционално игралиште во Куклиш
Published
3 дена agoна
ноември 13, 2026By
Media Press
НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште
Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.
Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!






