Илија Тентов нов градоначалник на Дојран-Локални Избори 2025
Во Дојран, граѓаните избраа нов градоначалник – Илија Тентов, кандидат на Коалицијата „Твоја Македонија“ предводена од ВМРО-ДПМНЕ, според официјалните резултати, Илија Тентов освои 60,76% од гласовите или 1.183 гласа. Тентов ќе ја преземе функцијата од досегашниот градоначалник Анго Ангов.
Додека неговиот противкандидат Ристо Џинев доби 34,87% од гласовите или 679 гласа. Остварена разлика од 504 гласа.
Еве ги клучните точки од неговата програма, презентирани на митингот под мотото „Вистинскиот избор“, „Твојот човек!“:
Реконструкција и санација на Хидросистемот „Ѓавато“, со цел полнење на Дојранското Езеро.
Решавање на проблемот со водоснабдување во Стар и Нов Дојран.
Реконструкција на старата пречистителна станица за отпадни води.
Изработка на нов урбанистички план за Дојран и Сретеново.
Изградба на модерна улица и пешачка патека до плажата во селото Николиќ.
Субвенциониран превоз до сите населени места и редовна автобуска линија до Гевгелија.
Градежна зона за млади брачни парови, со цел задржување на младите во општината.
Довршување на црквата „Свети Никола“ во село Црничани.
Реконструкција и проширување на локалниот пат во село Фурка.
Обезбедување дежурна медицинска служба во текот на целата година.
Оваа победа се смета за значаен успех за ВМРО-ДПМНЕ и нивната коалиција, која доби поддршка од граѓаните за нова визија и локален развој.