Гевгелија
Културно свечени активности по повод 7-ми Ноември, Денот на ослободувањето на Гевгелија
Објавено на
Од
Media Press
Општина Гевгелија и годинава ќе го одбележи 7 Ноември- Денот на ослободувањето на Гевгелија со богата и разновидна програма што ќе се реализира во периодот од 4 до 9 ноември 2025 година. Чествувањето опфаќа поетски, музички, театарски и уметнички содржини во рамки на манифестацијата „Град на култура за 2025 година“, како и традиционални свечени активности што го одразуваат историското и општественото значење на празникот.
Одбележувањето започнува на 4 ноември (вторник), во салата на СОУ „Јосиф Јосифовски“- Гевгелија, со поетско-музичката вечер „Пееме за Гевгелија“, која ќе се одржи со почеток во 19:00 часот. На 5 ноември (среда), со почеток во 19:00 часот, во Ликовната галерија „Амам“, ќе биде отворена Годишната изложба на Друштвото на ликовни уметници- ДЛУГ.
На 6 ноември (четврток), ќе се одржат два настана: во 18:00 часот, во салата на ООМУ „Васо Карајанов“, ќе се реализира Kонцерт „Музичка разгледница“ по повод Денот на ослободувањето на Гевгелија, а во 19:00 часот, во Народниот театар- Гевгелија, ќе биде изведена театарската претстава „Разбуди се Тина“, во режија на Драгана Таневска и изведба на ансамблот на НУЦК „Трајко Прокопиев“ од Куманово.
Централните активности ќе се одржат на 7 ноември (петок). Денот ќе започне со свечено полагање цвеќе на спомен-обележјата во Гевгелија во 12:00 часот, како чин на почит кон загинатите борци и хероите од НОБ. Потоа, ќе следува училишно дефиле на платото пред Народниот театар во 12:30 часот и откривање на спомен-обележјето на Илија Џаџев во 13:00 часот. Во вечерните часови, со почеток во 19:00 часот, во Народниот театар ќе се одржи свечена седница на Советот на Општина Гевгелија, како централно официјално одбележување на празникот, а веднаш потоа, во 19:30 часот, ќе следи концерт на Градскиот мешан хор „Гортинија“ под диригентство на Илија Атанасов.
Одбележувањето ќе заврши на 9 ноември (недела) со традиционалниот концерт „Фолклорен ѓердан“, кој ќе се одржи во Народниот театар- Гевгелија, со почеток во 19:00 часот.
Поврзани содржини
Гевгелија
Лишен од слобода за непоседување возачка дозвола
Published
1 месец agoна
октомври 7, 2026By
Media Press
Од билтенот на МВР: Во Гевгелија, полициски службеници од СВР Струмица-ОВР Гевгелија го лишија од слобода Д.Д(43) од Гевгелија. При контрола во патниот сообраќај, полициските службеници сопреле мопед со гевгелиски регистарски ознаки, кое го управувал Д.Д. и по преземени мерки било констатирано дека го управува без да поседува возачка дозвола. Мопедот е одземен, а за настанот е известен јавен обвинител од Основното јавно обвинителство Гевгелија. По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”.
Гевгелија
МВР: Банкарски службеник од Гевгелија во 13 наврати присвоил пари од сметки на двајца корисници
Published
3 месеци agoна
август 19, 2026By
Media Press
Вработен во банка во Гевгелија неовластено пристапувал до сметки на двајца корисници и присвоил околу пет милиони денари и над 63.000 евра, поднесена му е кривична пријава
ОВР Гевгелија поднесе кривична пријава против К.К.(52) од Гевгелија поради постоење основи на сомнение за сторено кривично дело „проневера во службата“. Во период од 07.11.2025 до 03.03.2026 пријавениот, како стручен соработник во експозитура на банка во Гевгелија, во 13 наврати присвоил 4.920.000 денари и 63.350 евра кои му биле доверени во службата, на тој начин што без налог од корисниците, пристапувал до денарска платежна сметка на двајца корисници, при што причинил материјална штета на банката.
Гевгелија
На железничка пруга во Гевгелија било пронајдено повредено лице мигрант
Published
3 месеци agoна
август 14, 2026By
Media Press
На 13.08.2026 во 13:35 часот во ОВР Гевгелија е пријавено дека на железничка пруга во Гевгелија било забележано повредено лице мигрант. Лицето е пренесено во Медицински центар Гевгелија, каде му била укажана помош и било констатирано дека има повреда на стапалото најверојатно од прегазување на воз.
Извршен бил разговор со лица вработени во железница, при што известиле дека во 13:25 часот тргнал товарен воз од Железничка пруга Гевгелија кон Скопје и пред тргнување биле извршени проверки и од возот биле симнати околу 10 лица мигранти кои сакале нелегално да се превезуваат. По наредба на јавен обвинител извршен е увид на местото и се преземаат мерки за расчистување на случајот.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

