По повод 29 Октомври – Светскиот ден во борбата против мозочниот удар, Здравствениот Дом од Радовиш спроведе превентивни прегледи
По повод 29
Октомври – Светскиот ден во борбата против мозочниот удар, Здравствениот Дом од
Радовиш спроведе превентивни прегледи на гликемија на крвта и крвен
притисоки, како и
совети од лекар, за
подигнување на свеста за превенција, препознавање на симптомите, рана
дијагностика и навремено лекување на мозочниот удар.
Оваа акција која се одржа на плоштадот Свети Спасо
Радовишки, предизвика голем интерес кај граѓаните од Радовиш пред се од
повозрасната популација, кои излегоа да
си го проверат својот крвен притисок и шеќерот во крвта.
„Во Македонија
секоја година се регистрираат нови 5000 лица со мозочни удари, затоа е клучна
превенцијата, навреме да се препознае мозочниот удар и навреме да се лекува,
вели директорот на Здравствениот дом во Радовиш д-р Стојанче Петров. Затоа тој
порача, дека би требало и помладите да си прават контроли, бидејќи границата се
спушта во послендите години.
„Превенцијата
и навременото спречување на појавата на мозочен удар се најдоброто лекување.
Грижата за здрави навики, редовните лекарски прегледи и контролата на ризичните
фактори се клучни за зачувување на здравјето на мозокот“додава доктор Петров.
Денешната превентивна акција ја посети и новиот градоначалник на Општина Радовиш Љупче Почивалец, кој ја поздрави акцијата и самата иницијатива на здравствениот дом за грижа на граѓаните.