Општинската изборната комисија им ги додели уверенијата на градоначалникот Сарамандов и на новите членови на Советот на Општина Гевгелија
Општинската
изборната комисија на Гевгелија денеска им ги додели Уверенијата на градоначалникот Андон
Сарамандов, за втор мандат, како и на 19-те советници кои беа избрани на
Локалните избори 2025.
Од вкупно 19
мандати во Советот на Општина Гевгелија, 11 се резервирани за ВМРО-ДПМНЕ, 4 за
СДСМ, 2 за ЛЕВИЦА 1 за ДВИЖЕЊЕ ЗНАМ и 1 за МААК.
Градоначалникот Сарамандов се заблагодари на граѓаните за
укажаната доверба за уште еден мандат.
„Ми
претставува чест и огромно задоволство што денес официјално го примив
уверението за градоначалник на општина Гевгелија во втор мандат.
Уште
еднаш Ви благодарам на сите што верувате во мене, мојот тим, програмата и
планираните проекти, но пред се во начинот на кој работиме, а преку кој
докажавме дека можеме поинаку“, вели Сарамандов.
Идниот
гевгелиски Совет ќе го сочинуваат:
Димитар Вегов, Анета Стамкова, Георги Петков, Зоран Димитров, Надица Ристовски, Игор Илков, Борче Стојков, Павлина Минова – Ичева, Елена Хаџи – Николова, Ѓорѓе Попов и Сара Маркова, од коалицијата Вмро – Дпмне, Александар Киров, Каранфилка Алчинова, Цветан Нелоски и Елизабета Сивова, од коалицијата Сдсм, Николчо Петров и Михаил Тодоров, од партијата Левица, Борче Нечевски од движењето Знам и Ристо Ѓоргиев од Маак.