Connect with us

Струмица

Конституиран новиот Совет на Општина Струмица, за претседател избран д-р Никола Маџунко

Media Press

Објавено на

Денеска се одржа првата конститутивна седница на новоизбраниот Совет на општина Струмица на која што беа верифицирани мандатите на новите членови, а за претседател беше избран д-р Никола Маџунков.

Седницата ја започна највозрасниот член на Советот д-р Анкица Ангова, а ја продолжи новоизбраниот претседател, Никола Маџунков.

Честитајќи им го изборот, градоначалникот Петар Јанков на членовите на новиот Совет им посака успешна, одговорна и чесна работа.

-Денес започнуваме ново поглавје во работата на нашата Општина. Пред се, дозволете ми искрено да се заблагодарам на претходниот состав на Советот за вложениот труд, за сите донесени одлуки, за соработката и посветеноста во изминатиот период. На новиот состав на Советот му посакувам успешна, одговорна и чесна работа. Очекувам ова да биде Совет во кој нема да има поделби и опструкции, туку дијалог, почит и заедништво. Вие, исто и јас како градоначалник, сме избрани со иста цел, да ја направиме нашата Општина подобро место на живеење. Граѓаните не очекуваат препукувања, туку резултати, не партиски ботови, туку конкретни решенија. Она што се ветуваше за време на кампањата, сега треба да се покаже на дело. Струмица заслужува развој, подобрување на стандардот на граѓаните, унапредување на стопанството, образованието, инфраструктурата, културата и спортот. Вашата работа мора да биде транспарентна, отворена и достапна за сите граѓани. Секој ваш потег треба да биде воден од јавниот интерес, а секоја одлука да биде донесена во целосна одговорност и отчетност. Само така ќе ја вратиме и зајакнеме довербата во локалната власт. Верувам дека ако работиме искрено и одговорно, ќе покажеме дека може да се води локална самоуправа со визија и резултати. Ви посакувам успех во работата и мудрост во одлуките што ќе ги донесуваме во интерес на сите граѓани. Секоја генерација советници придонесува на свој начин за развој на Општината, затоа оваа нека биде запаметена по многу успеси, рече градоначалникот Јанков.

Новизбраниот претседател на Советот на општина Струмица, д-р Никола Маџунков, се заблагодари за укажаната доверба и од граѓаните и од советниците и потенцираше дека таа за него значи голема одговорност.

-Во идниот мандат ќе се трудиме Советот на општина Струмица да го доближиме што повеќе до граѓаните, да бидеме потранспарентни, подемократски, да воведеме модерни решенија во однос на дигитализација за да може граѓаните да бидат поблиску до Советот, да поставуваат прашања, да доставуваат предлози и да бараат решенија, рече претседателот Маџунков.

На денешната конститутивна седница беа избрани и претседателите и членовите на постојните комисии на Советот на општина Струмица.

На седницата присуствуваа Викарниот Епископ Стобиски г.Јаков, претставници на верски заедници, актуелни и поранешни пратеници, советници, директори и гости.

прикажи повеќе

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе