Работилница на тема „Ментално здравје“ во СОУ Коста Сусинов – Радовиш
На 7 октомври 2025 година (вторник), во просториите на СОУ „Коста Сусинов“ се одржа работилница на тема „Ментално здравје“, организирана од Општинска организација на Црвен крст Радовиш по повод Светскиот ден на менталното здравје (10 октомври).
Работилницата ја водеше Памела Митева– врснички едукатор по ментално здравје, која преку интерактивни разговори и практични активности им помогна на учесниците подобро да го разберат значењето на грижата за менталното здравје, самогрижата, како и начините за справување со стресот и емоциите. Една од креативните активности на работилницата беше цртање и боење на платно, со цел да се ослободат мислите, да се поттикне позитивно размислување и да се изразат емоциите преку боја и креативност.
„Оваа активност придонесе за создавање чувство на мир, поврзаност и саморефлексија кај младите.На настанот учествуваа 20 ученици, кои активно се вклучија во сите делови од програмата, споделуваа мислења и искуства, и покажаа голем интерес за темата. Целта на работилницата беше да се подигне свеста за важноста на менталното здравје меѓу младите, како и да се поттикнат емпатијата, меѓусебната поддршка и позитивниот пристап кон секојдневните предизвици. Настанот се одвиваше во пријатна, опуштена и инспиративна атмосфера, а учесниците изразија големо задоволство од можноста да бидат дел од оваа корисна и значајна обука“ велат од Црвен Крст, Радовиш.