Connect with us

Радовиш

По цели десет години пауза, ФК СЛОГА ЗЛЕОВО повторно се враќа на зелениот терен

Media Press

Објавено на

По цели десет години пауза, фудбалскиот клуб Слога од Злеово повторно се враќа на зелениот терен. Со тоа, овој клуб ја обновува долгогодишната спортска традиција на селото и љубовта кон фудбалот која отсекогаш била силно присутна кај мештаните.

Она што е особено значајно е фактот што ФК Слога Злеово е единствената екипа од Радовишко која оваа сезона ќе се натпреварува во Струмичката општинска лига. Со тоа, клубот не само што го претставува своето село, туку и целата општина Радовиш во регионалното натпреварување.

Од управата на клубот за ТВ Кобра и Mediapress, велат дека овој нов почеток е резултат на ентузијазмот и љубовта кон спортот на младите во Злеово, но и на поддршката од локалната заедница. Сепак, тие очекуваат поголем фокус и помош од општината, институциите и локалните фирми, за клубот да може успешно да се развива и да постигнува уште подобри резултати во иднина.

Со нови сили, млади играчи и голема желба за успех, Слога Злеово ја започнува својата нова фудбалска приказна.

Новиот тренер на ФК Слога Злеово е Трајче Чамов, фудбалер со богато искуство и љубов кон спортот. Своите фудбалски почетоци Чамов ги има во радовишкиот клуб Плачковица, каде ги направи првите чекори во професионалниот фудбал.

„Со своето знаење и посветеност, тој има за цел да ја изгради новата генерација играчи во Злеово и да ја врати Слога на вистинскиот пат – таму каде што ѝ е местото, на теренот и меѓу најдобрите.

Зад обновувањето на ФК Слога Злеово, стои управа полна со ентузијазам и љубов кон фудбалот. Претседателот Ангел, заедно со Мите, со голема посветеност и пожртвуваност работат уште пред почетокот на сезоната за клубот да има сè што е потребно — од опрема и организација, до мотивација на играчите.

Тие се двигателот на новата ера на Слога, пример дека со заедништво и љубов кон спортот може да се постигне многу, дури и кога сè започнува одново“, вели Мане Рујков, како медиумски претставник на ФК Слога Злеово.

Фудбалскиот клуб Слога Злеово упатува голема благодарност до Јавното претпријатие „Плаваја“ за нивната брза и професионална реакција. По првичното обраќање од клубот, екипата на „Плаваја“ веднаш излезе на терен и перфектно ја заврши работата околу расчистувањето на сметот на игралиштето.

„Со вакви примери на соработка, се покажува дека заедно – институциите и спортските клубови – можат да придонесат за почиста, поуредна и поактивна локална заедница. ФК Слога Злеово упатува искрена благодарност до нашите иселеници, кои иако далеку од татковината, не ја заборавија својата Слога. Со својата финансиска поддршка и спонзорства, тие помогнаа клубот повторно да заживее и да се врати на теренот. Нивната поддршка е доказ дека љубовта кон родното место и спортот нема граници“, вели Рујков кој додава.

„Голема благодарност до ТВ Кобра за поддршката и интересот што го покажуваат за нашата работа и активности. Вашето присуство и медиумска поддршка значат многу за ФК Слога Злеово и за целата заедница која стои зад клубот“.

прикажи повеќе

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе