Connect with us

Конче

Караванот на СДСМ “Се бориме за нашиот дом” беше во Конче, кандидатот за градоначалник Благој Илиев рече дека ги знае проблемите во општината и знае како да ги реши

Media Press

Објавено на

Караванот на СДСМ “Се бориме за нашиот дом” вчера беше во Конче. Кандидатот за градоначалник Благој Илиев и кандидатите за Советничката листа предводени од носителот Ристо Томов, ја претставија својата програма и ја побараа поддршката на претстојните локални избори.

Генералниот секретар на СДСМ Александар Саша Димитријевиќ на предизборниот собир на СДСМ и Коалицијата во Конче рече: „Нашиот кандидат Благој Илиев е човек со визија, енергија и чесност. Тој веќе покажа дека знае како да решава проблеми и да работи во интерес на граѓаните.

„Денеска прошетавме овде низ населените места во општината, заедно со кандидатот и иден градоначалник Благој Илиев и можам да ви кажам и да  изразам едно големо разочарување, сретнавме една безијденост и четири години, општина која застанала во времето. Страшно е во 21 век луѓето да ни се жалат дека немаат питка вода за пиење. Тое е нешто што нашиот кандидат ќе го реши уште на почетокот“ рече Димитријевиќ.

Кадидатот за градоначалник на Општина Конче Благој Илиев  ја претстави својата програма. Тој рече дека  не само што ги знае проблемите на Конче туку ги има и решенијата.

„Како што знаете општина Конче денес е најбогатата општина во државата и пошироко. Од Боров Дол се влеваат некаде преку 1.000.000 евра годишно. Општинските власти немаат визија и ги растураат парите на мали и безцелни проекти. Ние ќе го изградиме регионалниот пат Радовиш -Конче со две ленти, со одлука на совет ќе биде прогласен за локален пат. Целосна реконструкција на сите водоводи во општината, ке направиме и нови бушотини“, рече меѓудругото Илиев, кој спомна дека секако ќе лобираат и за средства од државата и од европските фондови. Тој ја побара поддршката од граѓаните за изборите на 19 октомври и вети дека нема да ги разочара.   

Носителот на советничката листа Ристо Томов рече дека сите го знаат. Роден е во село Ракитец и одлучил да живее овде бидејќи си го сака својот крај, може да замине и тој но не го направил тоа.

Конче

Ловџија од Габревци, додека бил на лов на диви свињи, бил повреден со сачма од ловна пушка

Media Press

Published

на

На 07.11.2026 година во 13:48 часот во Полициската станица Радовиш, лекар од Итна медицинска помош Радовиш пријавил дека кај нив за укажување на лекарска помош било донесено лицето С.М. од село Габревци, општина Конче, кој додека бил на лов во атар на село Габревци бил повреден со сачма од ловна пушка.

На 07.11.2026 година С.М., заедно со Р.Р., И.Р., З.Р., М.Р., С.С. и С.Р., сите од село Гавревци биле во лов на диви свињи, на место викано „Трска“ атар на с. Габревци, при што И.Р. со еден патрон испукал кон дива свиња, а од истрелот една сачма го погодила С.М. во пределот на стапалото. Тој бил пренесен во Комплекс клиники „Мајка Тереза“ во Скопје.

Од страна на увидна екипа од ОВР Радовиш бил извршен увид на местото. Од И.Р.(43) од село Габревци биле одземени ловна пушка ,,Baikal M-155“ калибар 12 мм, ловна пушка „Ata Arms“ калибар 12 мм , дозвола за оружје, дневна дозвола за ловење и 6 патрони калибар 12 мм. Од С.С.(60) од село Габревци биле одземени ловна пушка ,,Zastava М-80“ калибар 12мм и дозвола за оружје. За настанот е известен јавен обвинител, а по документирање на случајот ќе биде поднесена соодветна пријава.

Прочитај повеќе

Конче

Општина Конче започна со изградба на летниковци на две локации

Media Press

Published

на

Општина Конче започна со изградба на летниковци на две локации, на барање на граѓаните за одбор и рекреација.

„Деновиве започнавме со изградба на летниковци на две локации – едната во м.в. „Дабјата“, во атарот на село Лубница, а другата ќе биде лоцирана на раскрсницата во близина на бензинската пумпа „Макпетрол“. Со изградбата на овие два летниковци се опфаќаат локации кои најмногу ги користат граѓаните, случајните минувачи и посетителите на Општина Конче“, истакна градоначалникот Златко Ристов.

Ристов вели дека овие летниковци се градат на барање на граѓаните, за да имаат каде да одморат во топлите летни денови. Општина Конче како што вели градоначалникот продолжува со создавање уредени и пријатни места за одмор и престој на своите граѓани и посетители.

Прочитај повеќе

Конче

Жител од Горни Липовиќ, држејќи секира во рака агресивно се однесувал кон вработени на Шумска полиција

Media Press

Published

на

На 15.08.2026 во 20:00 часот во село Горни Липовиќ, општина Конче,  полициски службеници од СВР Струмица-ОВР Радовиш го лишија од слобода С.В.(50) од село Горни Липовиќ.

Според пријавеното, тој околу 17:20 часот во атар на село Горни Липовиќ држејќи секира во рака агресивно се однесувал кон вработени на Шумска полиција, кои преземале службени дејствија. Лицето е задржано во Полициската станица Радовиш, а за настанот е запознаен јавен обвинител од Основното јавно обвинителство Радовиш.

По целосно документирање на случајот против С.В. ќе биде поднесена соодветна пријава.

Прочитај повеќе