Македонија
Почина оперската примадона родена во Радовиш, Милка Ефтимова
Објавено на
Од
Media Press
Утрово во Скопје на 89-годишна возраст почина Милка Ефтимова, оперска примадона родена во Радовиш, која настапувала во повеќе од 20 земји во светот.
Исклучителен мецосопран, наша истакната оперска дива со извонредна меѓународна кариера, првенката на Македонската опера и успешен вокален педагог на генерации пејачи од Факултетот за музичка уметност во Скопје, Милка Ефтимова е родена на 26 февруари 1936 година во Радовиш.

Завршила средно музичко училиште во Штип, музичка академија во Љубљана, и предавала на Факултетот за музичка уметност и во средното музичко училиште во Скопје. Во 1961 за првпат застанала на сцената на оперскиот театар. Првата улога ѝ била Ацучена во Вердиевиот „Трубадур“, а од оперската сцена јубилејно се простила со улогата на Кармен во 1991 година. Таа ѝ била 157. претстава.

Отпеала четириесет оперски улоги, многубројни партии во ораторијални дела, кантати, многу соло песни. Уметница, која повеќе од 1.200 пати застанала на оперската и на концертна сцена, во дваесетина земји на светот.

Ефтимова последните години од животот ги помина во дом на стари лица во Скопје. Погребот на Ефтимова ќе биде на 16 август во нејзиниот роден град Радовиш.
Во ОНБ Браќа Миладиновци во Радовиш има поставено музејско катче каде има изложено дел од гардеробата и накитот на Милка со кои настапувала.

Животен пат за Милка Ефтимова
Во Скопје го завршува средното музичко училиште, а дипломира во 1960 година кај еминентниот професор Јулиј Бетето на Љубљанската академија за музика. Во 1966 година заминала на специјализација како стипендист на Владата на Република Македонија во Санта Чичилија во Рим, Италија. Италијанска влада и доделила двомесечна стипендија за престој во Сиена, на Академијата Киџијана каде што продолжила да работи концертно пеење. Пред тоа, во мај 1961. година, како член и солист на хорот на Словенечката филхармонија настапила во Виена под диригентската палка на големиот Ловро фон Матачиќ, изведувајќи повеќе солистички делници.
Матачиќ самоиницијативно работел со Ефтимова врз партитурата на Кармен, толкувајќи низа музички и психолошки детали за овој лик и непосредно по концертот во Виена тој и понудил и ангажман во операта „Кармен“ во Франкфурт, со убедување дека за кусо време и претстои блескава кариера.

Но, Ефтимова, како стипендист на Скопската опера, со чуство на одговорност и на инсистирање на големите Тодор Скалоски и Петре Богданов – Кочко, есента во 1961 година станува солист на операта при Македонскиот народен театар во Скопје. После неколкуте години во главниот град, заминува во Љубљанската опера каде работи во периодот од 1967 до 1978 година и остварува 17 премиерни улоги, а потоа повторно доаѓа во македонската оперска куќа каде е носител на многу ролји (заедно со останатите, вкупно 45 главни и споредни улоги во оперскиот репертоар) и тука останува се до 1991 година.
Во 1983 година ја започнува и својата педагошка работа на Факултетот за музичка уметност во Скопје кадешто останува до пензионирањето. Милка Ефтимова е добитник на бројни домашни и меѓународни награди и почести.

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.
ЕУРОДИЗЕЛ ќе се продава по цена од 92 денари за литар.
Eкстра лесното масло за домаќинство поевтинува за три денари и ќе чини 100,50 денари,
Цената на мазутот М-1 НС се намалува за 0,998 денари по килограм и изнесува 48,314 денари.
Македонија
ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!
Published
3 дена agoна
ноември 13, 2026By
Media Press
На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.
Македонија
Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот
Published
3 дена agoна
ноември 13, 2026By
Media Press
Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.
Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.
📅 Дата: 26.12.2026 година
📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.
Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!



