Радовишки алпинист Владе Коцев, го искачи највисокиот планински врв во Европа, Монблан 4810м/нв
Владе Коцев од населба Дамјан Општина Радовиш, успешно го искачи највисокиот врв во Европа , Монблан кој се наоѓа на 4810 м надморска височина, Тој беше дел од 6- члената екипа која се искачи на врвот преку најтешката , физички и технички рута.
-„Желбата исполнета , сонот остварен“ вели Владе кој објаснува како ја исполниле оваа мисија.
После 8 часа
возење на 19 јуни во
четврток стигнале во Градот ШАМОНИ (Chamonix) во Francia.
Во Петокот на 20.јуни стартувале за Aiguille du Midi (АГИЈ ДИ МИДИ) до Retuge du Cosmiques и стигнале до (куќа за спиење на 3600м/нв) .
„ Овде одмор и припрема за главниот ден , спиење (кој може) за жал јас неможев ни секунда да заспијам , најверојатно поради висината и силната главоболка , повторно стартуваме во Сабота 21.06 во 01:30 после полноќ кон освојување на врвот, знаевме што не чека и физички и психички влеговме спремни во ризичните , остри и многу напорни успони“, вели Владе Коцев.
После 8 часа активно искачување успеале да стигнат до најпосакуваната цел, во 09:30 часот на врвот на МонБлан.
По доживувањето на импресиите, следувало сликање, уживање, кое било ускратено поради ветерот и ладното време, по што започнале со спуштање преку нормалната рута, најпрво на 3800м/нв каде направиле пауза за преспивање. Во Недела 22.06 го започнале последниот дел од спуштањето.
Владе го развеа старото македонско знаме со сонце со 16 краци симбол на античките Македонци и знамето на Општина Радовиш, на врвот на МОНБЛАН, меѓу знамињата на другите алпинисти.