Богданци
Незаконски изведена реконструкција на кров на ООУ „Петар Мусев“ во Богданци, во опасност животот на учениците и вработените, поднесена кривична пријава
Објавено на
Од
Media Press
СВР Струмица-ОВР Гевгелија до Основното јавно обвинителство Гевгелија поднесе кривична пријава против Г.Г.(39) од Скопје, сопственик и овластено лице на Друштво за проектирање, инженеринг, трговија и услуги од Скопје, И.Т.(45) од Скопје, потоа против посоченото Друштво за проектирање, инженеринг, трговија и услуги од Скопје, како и против Љ.Т.(62) и Л.Г.(69) од Скопје.
Пријавените се сомничат дека сториле кривични дела – „злоупотреба на службената положба и овластување“ по член 353 став 5 и кривично дело „предизвикување опасност при градежни работи“ предвидено и казниво по член 289 став 1 од КЗ на РСМ ( Г.Г. и И.Т.), „предизвикување опасност при градежни работи“ по член 289 став 3, а во врска со став 1 од КЗ (Правното лице од Скопје), како и кривично дело „несовесно работење во службата“ по член 353-в став 3 од КЗ (Љ.Т. и Л.Г.)
Имено првопријавениот Г.Г. на 14.12.2020 година, во својство на одговорно лице во третопријавеното правно лице и во својство на одговорно лице при проектирање на градежни работи, односно реконструкција на кров на ООУ „Петар Мусев“ во Богданци и изработка на проект за реконструкција на кров, постапил спротивно на прописите за механичка отпорност, стабилност и сеизмичка заштита, односно постапил спротивно на член 4 и член 4-а став 2 од Законот за градење и иако бил должен, не ја извршил својата должност, односно не обезбедил мислење за проектиран степен на механичка отпорност, стабилност и сеизмичка заштита на градбата, со што предизвикал опасност за животот и телото на луѓето, односно учениците и вработените во ООУ „Петар Мусев“ Богданци. Воедно, предизвикал штета на буџетот на РСМ (Министерство за образование и наука) во износ од 12.678.049.00 денари, како и на буџетот на општина Богданци во износ од 129.800 денари
Второпријавениот И.Т. на 14.12.2020 година, во својство на одговорно лице при проектирање на градежни работи, односно реконструкција на кровот на ООУ „Петар Мусев“ и изработка на проект за реконструкција на кров исто така постапил спротивно на прописите за механичка отпорност, стабилност и сеизмичка заштита, односно постапил спротивно на член 4 и член 4-а став 2 од Законот за градење со што предизвикал опасност за животот и телото на луѓето, односно учениците и вработените во ООУ “Петар Мусев“ Богданци, предизвикувајќи штета на буџетот на РСМ и на општината Богданци.
Четврто и петопријавените , пак Љ.Т. и Л.Г. во својство на одговорни лица при вршење на ревизија на основниот проект за реконструкција на ООУ „Петар Мусев“, очигледно несовесно постапувале во вршењето на своите овластувања и должности како овластни ревиденти и пропуштиле во ревидентскиот извештај да констатираат дека прво и второпријавените лица – проектанти, постапиле спротивно на член 4 од Законот за градење. Односно констатирале дека основниот проект е задоволително стручно изработен во согласност со важечките прописи и норми со што постапиле спротивно на член 21 став 2 од Законот за градење и овозможиле на пријавеното правно лице да се стекне со имотна корист во износ од околу 129.800 денари, а дополнително, било причинета штета на буџетот на РСМ во износ од 12.678.049.00 денари.
Инаку, СВР Струмица, односно ОВР Гевгелија продолжува со преземање на мерки и активности во врска со конкретниот случај за утврдување на евентуална инволвираност на други лице во истиот, односно за докажување на нивна одговорност, а се во насока на целосно расчистување на случајот.
Поврзани содржини
Богданци
Левица – Богданци: Со сериозен криминал се доприватизира некогашен „Елегант Богданци“
Published
6 години agoна
март 4, 2021By
Media Press
Политичката партија Левица – Богданци со Реакција до јавноста околу приватизирањето на некогашен „Елегант Богданци“
“Криминално приватизираната некогашна државна компанија Елегант во Богданци, подоцна преименувана во АД БРЕБОТЕКС, каде што 51 % од акциите се во сопственост на вработените а другите 49 % во сопственост на германски инвеститор, е при крајот на нејзино приватизирање и целосно превземање од страна на новопечените олигарси.
Токму поради ова, се случуваат и отпуштања на 70 работници, кои воедно и претходни акционери на АД БРЕБОТЕКС се изманипулирани од страна на новите раководни лица, кои ја водат сегашната текстилна фабрика со недостапни информации за сопствениците и назив на фирмата. Ова не’ наведува до го повикаме ЈО на Република Македонија и Управа за финансиска полиција, по допрен глас да ги преземе сите чекори за задоволување на правдата и расчистување со криминалот во горенаведениот правен субјект, се’ со цел, вработените, оние кои со години ја создаваа текстилната фабрика, си ги повратат работните места и бидат обештетени како за акционерските удели, така и за добиените откази од непознатиот сопственик, инаку локално познат, кој раководи со АД БРЕБОТЕКС или ЕКOБРEБОТЕКС.
Локалниот огранок на Левица – Богданци има сознанија за сторен сериозен криминал и корупција, продолжуваме да истражуваме и да ве поддржиме со секаква правна помош, вие кои ги загубивте своите работни места“, се вели во Реакцијата на Левица – Богданци.
Богданци
Победник на годинешниот „Треш Фешн“ е тимот од СОУ „Богданци“, а специјалната награда ја доби тимот од СОУ „Коста Сусинов“ од Радовиш
Published
6 години agoна
декември 1, 2020By
Media Press
Победник на годинешниот „Треш Фешн“ натпревар е тимот од СОУ „Богданци“, а специјалната награда за најголема количина собран отпад ја доби тимот од СОУ „Коста Сусинов“ од Радовиш.
Средношколците изминатиот период собираа материјали, односно стара хартија, пластика, делови од стари компјутери, природни материјали и други предмети коишто можат да се реупотребат. Потоа, од истите изработуваа облека и модни додатоци. Целта на проектот „Трешн Фешн“, којшто повеќе од 10 години го организира здружението за едукација, комуникација и консалтинг ОХО, е да се намали отпадот преку негова реупотреба и да се подигне свеста кај учениците, но и кај пошироката јавност за важноста од здрава животна средина.
Сопругата на претседателот Пендаровски, Елизабета Ѓоргиевска, беше дел од 4-членото жири коешто ги оценуваше креациите на учениците од 14 средни училишта од Македонија, изработени од реупотреба на различни отпадни материјали.

„Навистина ме воодушеви креативноста и потенцијалот на средношколците. Но пред се, импресионирана сум од исклучително развиена свест на овие млади луѓе за значењето и зачувувањето на животната средина, на природата и реупотреба на отпадот“, истакна Ѓоргиевска.
Досега, на овој натпревар учествувале речиси сите средни училишта од земјата и биле изработени повеќе од 400 модели и модни додатоци. Низ процесот на собирање материјали тимовите исто така, имаа задача да измерат колку отпад собрале. Годинава биле собрани повеќе од 3500 килограми отпад. А темата на која се изработуваа делата е „Супер херои за 2020 година“. Годинашната акција беше посветена на сите хероини и херои коишто беа на првите борбени линии при справување со пандемијата на Ковид-19 и коишто постојано беа изложени на ризик.
Победник на годинешниот „Треш Фешн“ е тимот од средното општинско училиште „Богданци“ од Богданци составен од ученичките Стефанија Ангова, Цветанка Атанасова и Габриела Костевска, под менторство на Весна Ристовска. Второто место им припадна на Марија Станојовска, Александра Мирческа и Антонио Ѓурчиноски, ученици од СОУ „Ѓорче Петров“ од Прилеп и нивната менторка Марта Макеска. Јована Иванова и Софија Пецева и нивната менторка Маргарета Спасов, од СОУ „Никола Карев“ од Струмица го освоија третото место. Специјалната награда за најголема количина собран отпад ја добија учениците од СОУ „Коста Сусинов“ од Радовиш, односно Марија Прастова, Верица Георгиева и Косара Ѓорѓиева, под менторство на Катерина Сусунова.

Богданци
Тешка сообраќајна несреќа се случила викендот во Богданци, починало едно лице
Published
6 години agoна
ноември 30, 2020By
Media Press
Двеаестгодишник починал, а уште четири млади лица се повредени откако со патничко возило излетале од патот на улица „Маршал Тито“ во Богданци.
Несреќата се случила викендот, односно во саботата околу 4 часот во утринските часови, кога патничко возило „бмв“ со гевгелиски регистарски ознаки, управувано од 20-годишниот В.С. од Богданци излетало од патот, соопшти МВР.
„Во незгодата возачот В.С. се здобил со тешки телесни повреди и бил пренесен во Комплексот клиники „Мајка Тереза“ Скопје, каде што починал. Сопатниците во возилото Р.К. на 19 години, Ѓ.Ш.( на 21, Д.Д. на 21 и Н.Ш. на 20-годишна возраст, сите од Богданци, се здобиле со телесни повреди“, соопштуваат од МВР.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

