Советниците од редовите на ВМРО-ДПМНЕ во Општина Кочани гласаа против предлог-меморандумот за меѓуопштинска соработка помеѓу Кочани и Струмица, за што градоначалникот на Општина Струмица Костадин Костадинов изразува жалење.
„Денеска советниците на ВМРО-ДПМНЕ од Кочани гласаа против меморандумот за меѓу општинска соработка помеѓу Струмица и Кочани со што формално паднаа во вода напорите на сите струмичани да институционално помогнеме на град кој пред многу кратко време се соочи со најголемата трагедија во историјата на независна Македонија…
Јас прво
како човек сакам да се извинам на Кочани на нивните советници од ВМРО-ДПМНЕ, за
нашите искрени заложби да пружиме рака, колку и да не сакам да политизирам
морам да пуштам и порака до секој жител на Кочани, нашата поддршка е тука, таа
е искрена, од срце и без никаква позадинска намера.
Изненаден
сум од политичкото, хуманото рацио на ВМРО-ДПМНЕ Кочани, да се делува партиски
дури и во денови кога единството е најпотребно, но одлуката е ваша, легитимна и
јас и општина Струмица во целост ќе ја почитуваме.
Како град стоиме во целост на располагање на Кочани, на семејствата на починатите деца, на оние кои се повредени, да помогнеме согласно нашите можности“, вели Костадинов во објава на социјалните мрежи.