ВЛАДАТА на Република Хрватска на денешната телефонска
седница ги овласти вооружените сили на Република Хрватска да ја преминат
границата со цел да се обезбеди хуманитарна помош поради трагичниот настан во Македонија,
каде што ќе испратат хеликоптер со екипаж и медицински тим на вооружените сили
на Република Хрватска.
Станува збор за употреба на еден хеликоптер Ми-171Ш на
хрватското воздухопловство со екипаж и медицински тим на вооружените сили на
Република Хрватска, извести Владата.
Пациенти на лекување во Хрватска
Две лица повредени во пожарот во диско-клубот во Кочани во Македонија
утрово се пренесени на лекување на Клиниката за трауматологија на КБЦ Сестре
милосрдница, а останатите пациенти се очекува да бидат транспортирани денеска.
Двајца пациенти примени утринава на Траума имаат изгореници и повреди од
вдишување на респираторниот тракт, па обезбедени се респиратори за механичка
вентилација.
Заедно со нив во текот на денот во Загреб на лекување треба да пристигнат
уште повредени пациенти од Кочани, а премиерот Андреј Пленковиќ вчера изјави
дека со македонските власти е договорено денеска и останатите пациенти со ХВ
хеликоптери да ги превезуваат.
Владата утрово извести дека во текот на денешниот и утрешниот ден
хеликоптерот на хрватската армија ќе превезува уште четворица пациенти, кои
исто така ќе бидат згрижени во хрватските здравствени установи.
Пожар избувна во ноќен клуб во македонскиот град Кочани во неделата рано наутро, при што загинаа 59 млади лица, а повеќе од 150 се повредени, откако искри го запалиле покривот над бендот кој таму настапувал пред многубројна публика, пренесуваат хрватските медиуми.
Извор: https://www.index.hr/vijesti/clanak/hrvatska-salje-helikopter-i-medicinski-tim-u-makedoniju/2652554.aspx