ОО на Црвен Крст, Радовиш на свечен начин го одбележа јубилејот 80 години Црвен крст на Република Македонија
По повод значајниот јубилеј 80 години постоење на Црвен Крст на Република
Македонија, ОО на Црвен Крст од
Радовиш организира свечен настан на кој беа присутни градоначалници и претставници од Општина
Радовиш и Општина Конче, соработници,
донатори и директори на јавни институции. Настанот се одржа во
Музејот на Љубовта и уметноста во Радовиш под мотот ,,80 години – Ние гледаме луѓе”.
На почетокот присутните ги поздрави претседателот на
Црвен крст од Радовиш, Ванчо Коцев кој се заблагодари на сите за соработката и
поддршката која им ја дават.
Овој настан
беше посветен на долгогодишната посветеност и континуираната работа на Црвен
Крст, која во текот на овие 8 децении оставила неизбришлива трага во животот на
многу граѓани во нашата држава.
На настанот
беше презентирана досегашната работа на организацијата, која несебично ја
исполни својата мисија да помага и да ги поддржува оние на кои им е
најпотребно.
Во рамки на
настанот, претседателот на Црвен Крст на Република македонија Проф
д-р Ромел Велев додели
признанија за поддршка и успешна соработка на двајцата градоначалници, на Ацо Ристов градоначалник на Општина Радовиш
и Златко Ристов градоначалник на Општина Конче.
Градоначалникот Ацо Ристов рече дека ќе продолжат и
понатаму заедно да функционираат со Црвен Крст бидејќи како што рече ние сме
едно и работиме во интерес на народот.
Беше спроведено и кратко интервју со командирот на ТППЕ од Радовиш
Александар Кулашиќ за тоа како се озведува една симулациона вежба.
Генерален покровител на целиот настан беше проф, д-р
Ванчо Чифлиганец, генерален директор на Адора Инженеринг (Адора Бизнис Груп) од
Скопје.
„Црвен Крст на Република Македонија продолжува да биде столб на хуманитарната работа, а 80 години по своето основање, организацијата и понатаму остава силен и траен впечаток на сите кои се дел од нејзината мисија, рече претседателот на Црвен крст Ромел Велев .