На одржаната 64 седница на Совет на Општина Радовиш, беа разгледани и усвоени повеќе Предлог Одлуки и Предлог Заклучоци
На седницата
беа разгледани 35 точки од донесениот дневен ред, и седум како дополнување на
дневниот ред.
Градоначалникот Ацо Ристов пред Советниците на одржаната 64 седница на Советот на општина Радовиш го презентираше проектот „Реконструкција на Центарот за култура Ацо Караманов“ проект со кој Општина Радовиш аплицираше на повикот за инфраструктурни проекти. Градоначалникот појасни дека станува збор за средства во износ од 600 илјади евра со кои целосно внатрешно ќе се реконструира културниот дом, со целосно нов ентериер, ново гледалите и нова сцена.
-Досега биле правени неколку реконструкции но ниту една не била целосна и квалитетна, рече Ристов и притоа им се извини на граѓаните што останаа изминатата година без центар за култура и побара уште малку трпение.
Советниците
на оваа седница разгледаа и усвоија повеќе Предлог Одлуки и Предлог Заклучоци.
На почетокот Советниците имаа можност да постават советнички прашања на кои
одговор даде Градоначалникот Ацо Ристов.
Советникот Јован Ристов постави прашање околу тоа што
презема општината и како се подготвува за превентивна заштита од пожари, како
резултат на тоа што веќе има неколку пожари предизвикани на отворен простор на
кои интервенирала пожарната. Тој спомна и дали за пожарите кои се случија
минатата година има некои снакции и казни за потпалувачите.
Советникот Панче Николов се надоврза на прашањето за тоа
дали општината ќе ги санира полските патишта со цел полесно да се движат
противпожарните возила.
Градоначалникот Ацо Ристов рече дека е потребно
едукативна кампања за заштита од пожари и дека се подготвуваат за следната
сезона со набавка на опрема за пожарната но и ќе предложи да биде изработен ценовник
колку изнесува секоја акција на пожарникарите за потпалувачите, ако бидат
откриени дека намерно го подметнале пожарот, да ги плати трошоците.
Ќе бидат инсталирани и термо камери за висок домет меѓу Радовиш, Штип и Карбинци.
За полските патишта тој рече дека за тоа е задолжено Јавното
претријатие за стопанисување со води со средства од МЗШВ. Ние сме задолжени за
чистење на депониите покрај патиштата рече Ристов.
На седницата беше усвоена и предлог одлуката за
усвојување на Годишна завршна сметка на буџетот на Општина Радовиш за 2024
година и завршните сметки на основите училишта во општината и на средното училишта Коста Сусинов како и на
ДГ „Ацо Караманов“ во Радовиш, на ЦК „Ацо Караманов“ и на ОНБ Браќа Миладиновци
во Радовиш.
На седницата беше донесена и Одлука за зголемување на
износот на надоместокот за престој на деца во градинка, што паѓа на товар на
родителите за 500 денари, донесена од управен одбор на градинката.