Василево
Улица во Пиперево и пат во Старо Владевци, се дел од приоритетните проекти за кои Советот донесе одлуки
Објавено на
Од
Media Press
Денес, Советот на општина Василево ја одржа редовната 47-ма седница, на чиј дневен ред по дополнувањето беа вкупно 19 предлози и истите беа усвоени.
Првите четири точки од дневниот ред се однесуваа на обезбедување средства односно поднесување апликации до соодветни институции и програми за обезбедување средства за нивна реализација. Советот даде согласност да се поднесе апликација за кофинансирање на Основен проект за партерно уредување на ООУ „Гоце Делчев“ во с. Ангелци, за кофинансирање на основен проект за изработка на инвестиционо техничка документација за изградба на отворен канал на потегот од с. Владевци до с. Сушево, за изградба на пат во населено место Старо Владевци и за реконструкција на улица во населеното место Пиперево. Градоначалникот на општина Василево Славе Андонов, појасни дека за проектите за изградба на улица во Пиперево и пат во Старо Владевци, средствата ќе се обезбедат од Бирото за регионален развој преку Центарот за развој на Југоисточниот плански регион, од Програмата за рамномерен регионален развој за 2025 година.
Без дискусија и забелешки, потребното мнозинство го добија и предлозите кои се однесуваат на работењето на ПКД „Турија“, Василево односно: Давање согласност на Управниот одбор на ЈПКД „Турија“, Василево за Одлуката за измена на Одлуката за утврдување на цената на комуналните услуги на ЈПКД „Турија“, Василево бр. 02-287/1 од 15.09.2022 година; Давање согласност на Управниот одбор на ЈПКД „Турија“, Василево за Извештајот за работа и годишната сметка на ЈП „Турија“ Василево за 2024 година и Биланс на состојба, Давање согласност на Одлуката на Управниот одбор на ЈПКД „Турија“, Василево за Одлуката за усвојување на годишната сметка на ЈП „Турија“, Василево за 2024 година и Давање согласност на Управниот одбор на ЈПКД „Турија“, Василево за Одлуката за покривање на загубата по годишната сметка на ЈП „Турија“, Василево за 2024 година.
Без дискусија, едногласно беше усвоен и Извештајот за реализација на Програмата за изградба, реконструкција, одржување и заштита на локалните патишта и улици во општина Василево за 2024 година.
Без дискусија и забелешки усвоени беа и Завршната сметка на Буџетот на општина Василево за 2024 година, Годишниот извештај на општина Василево за 2024 година, Предлог-одлуката за ко-финансирање на фекален канализационен систем за с. Василево, К26 (од 0+00 км до 0+321 км), Акциониот план за ставање под контрола на вектор-преносливите заболувања со примена на превентивни мерки во општина Василево, 2025 година, кои како дополнителни точки беа ставени на дневниот ред на денешната седница.
Членовите на Советот позитивно се изјаснија и по барањата за финансиски средства од физички и правни лица меѓу кои ОК „Сушево“ од Сушево, ЛД „Фазан“ од Василево, ФК „Христов“ од Василево, од црковниот одбор на црквата Св. Спас од с. Дукатино, Меѓуопштинско здружение на цивилните инвалиди од војната“, Штип и за организаирање на турнир по повод празникот Рамазан Бајрам.
Поврзани содржини
Василево
Пензионерите од Василево добија пензионерски клуб
Published
6 часа agoна
ноември 16, 2026By
Media Press
Викендов, во Домот на културата, градоначалникот на општина Василево Славе Андонов, заедно со пензионерите, со пригодна свеченост го означија официјалното отвaрање на клубот за дневен престој на пензионерите.
„Грижата за нашите пензионери е наша обврска. Општина Василево за првпат обезбеди просторија наменета за пензионерски клуб, сместен во Домот на културата во Василево. Нашите пензионери, нашите дедовци и татковци, заслужуваат пристојни услови за секојдневно дружење, разговор и меѓусебна дружба. Ова е мал, но значаен чекор со кој покажуваме дека ги почитуваме оние кои со својот труд и посветеност ги поставија темелите на нашето општество“, стои во информацијата споделена на социјалните медиуми.

Клубот е лоциран на приземјето на Доmот на културата во Василево, во поранешните простории на ЈПКД „Турија# Василево. Општина Василево во изминатиот период изврши комплетно реновирање и адаптација на просторот кое опфаќаше малтерисување и боење на ѕидовите, поставување на нов под, нови плочки и санитарни елементи, врати и прозорци и нови светлосни тела.
Буџетот за сите планирани и реалзирани активности, согласно Договорот за јавна набавка со компанијата изведувач на работите изнесува 1 015 612 денари, средства кои општината ги обезбеди од сопствените извори на проходи.
Со Одлука на Совет просториите се дадени на користење на Здружението на пензионери на Струмица, како би можело овој пензионерски клуб непречено да функционира, односно да биде во функција на потребите на пензионерите.

Василево
Граѓаните на Ангелци на средба со Градоначалникот на Општина Василево, за креирање на Буџетот за 2027
Published
4 недели agoна
октомври 21, 2026By
Media Press
Синоќа, градоначалникот на општина Василево Славе Андонов, беше во населеното место Ангелци, каде заедно со месното население разговараше за планираните активности, потреби и проекти кои како дел од Буџетот за наредната година би биле реализирани во ова населено место.

Едно од приоритетните прашања, за кои граѓаните бараат решавање е дислокација на дивата депонија како и доизградба на преостанатите краци од системот за фекална канализација, со што сите домаќинства би добиле можност за приклучување.
„Буџетот го креираме заедно со граѓаните на Ангелци! Одржавме средба со жителите на Ангелци, на која разговаравме за нивните потреби и приоритети за претстојниот буџет на Општина Василево. Клучни проекти за Ангелци се:
-Целосно дислоцирање на дивата депонија
-Продолжување со асфалтирање на улиците, со цел сите да бидат асфалтирани до крајот на мандатот,
– Оградување на училишниот двор на ООУ „Гоце Делчев“
-Изградба на преостанатите краци од фекалната канализација.
Ги повикувам сите граѓани активно да се вклучат во креирањето на буџетот, да ги споделат своите предлози и идеи и да помогнат во утврдувањето на приоритетите за нивните населени места. Заедно ги планираме проектите и ја градиме иднината на Општина Василево“, порачува градоначалникот Андонов од синоќешната средба со жителите на населеното место Ангелци. На средбата присуствуваа и Даниел Иванов – директор на ЈПКД „Турија“, Василево и Томе Спасов, директор на АД Водостопанство, подружница Струмица.
Василево
Општина Василево започна со креирање на Буџетот за 2027 година, преку средби со граѓани
Published
4 недели agoна
октомври 20, 2026By
Media Press
Градоначалникот на општина Василево, Славе Андонов, синоќа во населеното место Радичево, одржа отворена граѓанска средба за креирање на Буџетот за 2027 година.
Граѓаните во непосредна дискусија имаа можност да ги кажат потребите за населеното место, да дават предлози, да разговараат околу приоритетите но и можностите,, се во насока на подобрување на условите во кои се одвива нивното секојдневие.
„Буџетот го креираме заедно со граѓаните! Бевме во Радичево, каде што отворено разговаравме со жителите за нивните потреби, предлози и приоритети за наредниот период.
Радичево е населено место каде што дадениот збор се претвора во реализирани проекти! Во Радичево го реализиравме нашиот најголем капитален проект – изградбата на фекалната канализација, со што покажавме дека ветувањата се исполнуваат со конкретни дела. Тоа е нашата обврска и принцип на работа. Врз основа на реалните потреби на граѓаните, ќе ги креираме и идните приоритети, со јасна цел – ветеното да го реализираме и во наредниот период! Ветеното го реализираме. Продолжуваме посветено, заедно со граѓаните!“, стои во ФБ објавата на Градоначалникот.
На средбата присуствуваа и директорот на ЈПКД „Турија“, Даниел Иванов, директорот на АД „Водостопанство“, подружница Струмица, Томе Спасов како и дел од вработените во општинската администрација.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!


















