Connect with us

Ново Село

Протест против отуѓување на земјиште во Пирго-Мокриево, Општина Ново Село на 23-ти февруари

Media Press

Објавено на

На 23 февруари 2025 година, недела, се планира протест против иницијативата за отуѓување на градежно земјиште во природното богатство Пирго. Групата „Пирго Не Е На Продажба“ повика на масовна присутност на граѓаните за да ја изразат својата несогласност со плановите за продажба.

Според објавата на фејсбук страната, на терен беше поставена табла од Општина Ново Село која детално опишува како може да се инвестира за купување на парцела, како и целосната постапка за отпук. Почетната цена е 1 евро за метар квадратен.

Дополнително, во објавата се наведува: „Ние жителите на Мокриево ја покренуваме иницијативата „Пирго Не Е На Продажба“, со јасна цел – да спречиме уништување на природното богатство Пирго.“ Иницијативата завршува со повик: „Ги повикуваме сите граѓани да ни се придружат во заштитата на Пирго.“,

Како одговор на реакцијата на месното население, градоначалникот на Општина Ново Село, Ѓорѓе Божинов, преку лично направено видео обраќање од речиси 10 минути, објасни за процесот на откуп на земјиштето, истакнувајќи ги деталите и потенцијалните придобивки од иницијативата, како и сметајќи ја самата реакција e тенденциозна потикната од одредени структури. Во прилог целосното видео од Градоначалникот:

Повеќе информации и детали за протестот и целата иницијатива може да се најдат на официјалната фејсбук страница на „Пирго Не Е На Продажба“. https://www.facebook.com/profile.php?id=61573206422167

прикажи повеќе

Ново Село

Започнуваат конзерваторско-реставраторските зафати во црквата „Св. Константин и Елена“ во Мокрино

Media Press

Published

на

– Со над 2 милионa денари, обезбедени преку унгарската кредитна линија, следната недела започнуваат конзерваторско-реставраторските зафати на ѕидното сликарство во црквата „Св. Константин и Елена“ во село Мокрино, Општина Ново Село – најави министерот за култура и туризам, Зоран Љутков, при денешната посета на сакралниот објект, заедно со директорот на Заводот и музеј – Струмица, Бранко Ѓоргиев, и градоначалникот на Општина Ново Село, Ѓорги Божинов.

Љутков истакна дека со овој проект се прави конкретен исчекор во заштитата на културното наследство, нагласувајќи дека: „денес, наместо празни ветувања, постојат конкретни проекти, јасен план и обезбедени средства“.

Црквата „Св. Константин и Елена“, изградена во 1870 година, претставува едно од најзначајните културни и духовни обележја во Струмичкиот Регион.

Носител на активностите е Заводот за заштита на спомениците на културата и музеј – Струмица, во соработка со стручни лица од Националниот конзерваторски центар од Скопје.

Овој проект претставува значаен чекор во зачувувањето и афирмацијата на културното наследство на Општина Ново Село. Министерството и во иднина ќе продолжи со континуирани вложувања во заштитата и зачувувањето на нашето вредно културно наследство за идните генерации.

Прочитај повеќе

Ново Село

📅 12 декември 2025 Ден на Општина Ново Село со свечено одбележување и присуство на Премиерот Христијан Мицкоски.

Media Press

Published

на

Во петок, на 12-ти декември, општина Ново Село ќе живее во празнична атмосфера. Тоа е денот кога заедно се слави, Денот на Општина Ново Село – ден што потсетува на сите успеси и чекори напред што се направени.

Но, овој петок со уште еден голем момент. Во Колешино, пред училиште ООУ „Видое Подгорец“, ќе биде поставен камен темелник на новата спортска сала. Заедно со Премиерот Христијан Мицкоски ќе го означи почетокот на нова етапа – инвестиција што ќе им донесе на децата подобри услови за образование и спорт.

Ова не се само настани, туку симбол на иднината што се гради заедно. Затоа, Градоначалникот Ѓорѓе Божинов, вклучително и советниците, како и цела администрација во име на Општина Ново Село, Ве покануваат да бидете дел од овие важни моменти, да ја споделите радоста и да ја покажете вашата заедничка сила.

Се радуваме на Вашето присуство и поддршка! – е пораката од Општина Ново Село.

Прочитај повеќе

Избори 2025

Божинов: Алтернативно водоснабдување за Ново Село и Самоилово со нов довод за чиста вода за пиење и покривање на пазарот во Ново Село

Media Press

Published

на

Кандидатот за градоначалник за општина Ново Село од редовите на ВМРО- ДПМНЕ, Ѓорѓе Божинов, на вчерашниот митинг одржан во рамките на изборната кампања за локалните избори 2025 година, под слоганот „Вистинскиот избор! Твојот човек! Твоето место! За твојата иднина!“, се обрати кон присутните и истакна дека општина Ново Село изминатите четири години ја карактеризираа низа успешно реализирани проекти, фокусирајќи се на целите за наредните четири години за општина Ново Село т.е. програмата која посочи дека е креирана во согласност со потребите на граѓаните, а во насока на решавање на нивните најгорливи проблеми.

„Модернизација на инфраструктурата каде се предвидени асфалтирања на над 35 улици во целата општина од кои само 12 се во Ново Село. Меѓу најприоритетните проекти ќе биде обезбедувањето на алтернативно водоснабдување за Ново Село и Самоилово, со што ќе се обезбеди нов довод за чиста вода за пиење. Покривањето на пазарот во Ново Село со метална конструкција, изградбата на мегапаркот и зеленилото кај спортскиот комплекс „Христо Татарчев“. Ќе ги поддржиме иновациите, претприемништвото создавајќи подобри услови за инвестирање и водење бизнис“.

Божинов, во продолжение од своето обраќање се осврна и на проектите кои значат континуитет во инвестициите во образованието како реконструкција на повеќе училишта, изградба на спортска сала во Колешино, детски рекреативен центар во Старо Коњарево, јакнење на капацитетите во туризмот преку креирање на туристички водич за природните убавини на општина Ново Село. Во делот на социјалната и здравствената заштита посочи на предвидениот бесплатен логопедски третман за деца и бесплатниот оброк за ученици од социјално ранливите категории од прво до петто одделение, како и на изградбата на домот за стари лица.

„Предвидени се реконструкции на повеќе училишта, изградба на спортска сала во Колешино. Изградба на детски рекреативен центар во Старо Коњарево со спортски терени и сместувачки капацитети на местото на старата караула. Изградба и опремување на иновативен тренинг центар за основните училишта во  Ново Село и Колешино. Ќе креираме туристички водич за природните потенцијали на нашата општина,а предвидена е и изградба и на нова пешачка и рекреативна патека од Колешино до Мокринските Извори, со мојот тим сплотено и изречно сме против рудници и против било какви загадувачи на територијата на општина Ново Село. Воведуваме бесплатен логопедски третман за деца и бесплатен оброк за ученици од социјално ранливи категории од прво до петто одделение. Реализација на проектот „Нега во домот“ и лична асистенција на лица со попреченост. Поранешната касарна во Ново Село ќе биде дадена под концесија за изградба на дом за стари лица. Пристапни рампи ќе бидат поставени на сите државни институции и главни сообраќајници“, рече Божинов.

На крај, Божинов ги повика граѓаните на општина Ново Село на 19 октомври да го направат вистинскиот избор, да го заокружат бројот 9 за градоначалник и бројот 9 за листата на советници на ВМРО-ДПМНЕ, за општина Ново Село да продолжи по патот на развојот и просперитетот.


Прочитај повеќе