ЛАГ Плачковица потпиша договор за проект за зајакнување на капацитетите на локалната заедница за спречување на појавата на пожари
ЛАГ Плачковица потпиша договор за спроведување на проектната иницијатива „Зајакнување на капацитетите на локалните чинители за подобрена отпорност во управувањето со пожари“. Преку реализација на оваа иницијатива ЛАГ-от ќе придонесе кон унапредување на знаењата на локалните чинители, како и зголемување на свеста и подготвеноста на заедницата при спречување на појавите на шумски пожари.
Проектот ќе
се спроведува во период од 18 месеци и ќе се одвива на територијата на 4-те
општини ( Општина
КОНЧЕ, општина Карбинци, Општина
Радовиш и Општина
Штип) во која ќе се спроведат активности за:
– утврдување
на ризиците и критичните точки во појавата на шумски пожари,
–
зајакнување на капацитетите на локалната заедница за спречување на појавата на
пожари, регрутирањето на волонтери во справување со шумски пожари,
–
зајакнување на капацитетите на доброволните противпожарни друштва на
територијата на ЛАГ Плачковица,
– подигање
на јавната свест за спречување на пожари и
– изработка
на регионален план за вклучување на заедницата во преземање на превентивни
мерки за намалување и спречување на појавата шумски пожари.
Оваа
проектна иницијатива ќе биде финансиски поддржана од програмата е
“Управување со пожари на ниво на предел” Landscape
Fire Management in the Western Balkans на Швајцарската агенција за
развој и соработка – SDC и координиран од Farmahem од Скопје, Северна
Македонија со поддршка од Helvetas Swiss Intercooperation од Швајцарија.
Локалната акциона група ЛАГ ПЛАЧКОВИЦА е организација која го промовира локалниот развој на руралните средини во општините Карбинци, Конче, Радовиш и Штип. Менаџер на ЛАГ Плачковица е Столе Георгиев од Радовиш.