Градоначалникот на Општина Ново Село изврши прием на наставници и ученици
Градоначалникот на Општина Ново Село Ѓорѓе Божинов
денеска изврши прием на наставници и ученици кои учествуваа на Меѓународната манифестација „Детски
Рацинови средби“ во Велес.
Имено на 57 издание на Меѓународната манифестација „Детски Рацинови средби“,
одржана на 16.11.2024 г. во Велес, наставниците по Македонски јазик од
основните училишта на територијата на општина Ново Село – проф. Надица М.
Ангелова, проф. Марија Брндевска и м-р Владо Ефтимов – беа одликувани со пехар
и дипломи за најдобра режија за мултимедијалниот ИКТ проект за Рацин – ‘Мене и
душата ми е црвена’, односно медал за 3. награда за најдобра литературна
творба.
Во проектот
тие учествуваа со 12 свои вредни ученици: Валериа Николова, Евгениа Стоилова,
Мелани Смилкова, Тамара Ѓорѓиева, Вероника Младенова, Стефанија Петрова, Зорица
Ризова, Елена Маркова, Ивана Јорданова, Јована Стојанова и Андреј Ангелов – од
ООУ „Мануш Турновски“ од Ново Село и Љубица Бансколиева од ООУ „Видое Подгорец“
од Колешино.
По тој
повод, денеска во просториите на општината тие беа примени во кабинетот
на градоначалникот Ѓорѓе Божинов.
„Наставниците и учениците го презентираа своето постигнување, за што срдечно им се заблагодарив за достојното претставување на општината, поради што им соопштив дека ќе поднесам предлог-одлука до Советот на општина Ново Село за наградување со паричен износ од 3.000 денари во знак на благодарност. Тоа ќе претставува и поттик за уште поголеми достигнувања во иднина“, вели градоначалникот Божинов со својата објава на социјалните мрежи.