Радовиш
Општина Радовиш распишува Конкурс за стипендирање на ученици во основните и средното училиште
Објавено на
Од
Media Press
Градоначалникот на општина Радовиш, распишува К О Н К У Р С за стипендирање на ученици во основните училишта во општината и СОУ „Коста Сусинов“- Радовиш, за учебната 2024/2025 година.
Општина Радовиш ќе додели:
- ЗА ТАЛЕНТИРАНИ УЧЕНИЦИ ИСКЛУЧИВО ПО ОСНОВ НА ПОСТИГНАТ УСПЕХ – БЕЗ СОЦИЈАЛНИ КРИТЕРИУМИ
- 16 (шеснаесет) стипендии на талентирани ученици од VI до IX одделение – по 4 стипендии пооделно.
Согласно измените на Правилникот, стипендиите нема да се доделуваат по училишта, туку ќе се доделуваат вкупно по 4 стипендии за секое одделение ( по 4 за VI, VII, VIII и IX одделение) по принципот на најдобро рангирани ученици (со најмногу бодови), без разлика од кое основно училиште се учениците.
Стипендијата е во висина од 2 500 денари месечно , а се исплаќа 9 (девет) месеци во годината.
- 13 (тринаесет) стипендии на талентирани ученици од I-IV година во средно образование од кои: 10 (десет) стипендии во прва година и тоа по 2 стипендии за ученици од сите 5 општински основни училишта, коишто ќе донесат потврда дека се запишале во прва година во СОУ Коста Сусинов – Радовиш, и по една за II, III и IV година.
Стипендијата е во висина од 3 000 денари месечно , а се исплаќа 9 (девет) месеци во годината.
Потребни документи за учество на конкурсот
- Барање од учениците до општина Радовиш ;
- Свидетелства за континуиран одличен успех и примерно поведение ;
- Потврда за запишана учебна година (во основно или средно) ;
- Диплома за освоени награди на општински, регионални, државни и меѓународни натпревари организирани единствено преку образовниот систем ;
- Препорака од менторот ;
- Препорака од наставничкиот совет ;
- Есеј на тема „Како би и помогнал на локалната заедница како иден експерт“ ;
- Фото копија од лична карта, или пасош и
- Трансакциска сметка на име на ученикот што конкурира за стипендија и истата да биде пријавена во УЈП;
Напомена:
Во случај на ист број бодови, Комисијата за доделување на ученички стипендии со цел да се додели стипендија на учениците со послаба социјална положба, дополнително ќе побара од старателите на тие ученици :
-Уверение за остварени приходи од УЈП за материјалните примања на семејството на ученикот. Приходите ќе бидат поделени месечно по број на членови на семејството, врз основа на издадено семејно уверение.
Стипендијата ќе биде доделена на кандидатот кој е социјално послабо ситуиран.
- ЗА ТАЛЕНТИРАНИ УЧЕНИЦИ ПО ОСНОВ НА ПОСТИГНАТ УСПЕХ – И ПО ОСНОВА НА СОЦИЈАЛНИ КРИТЕРИУМИ
Општина Радовиш доделува вкупно 10 (десет) стипендии на ученици во основните училишта и ученици во средното образование од општина Радовиш чиишто семејства се социјално загрозени.
Стипендиите се доделуват на првите пет рангирани кандидати кои конкурирале по овој основ, без разлика дали учениците се од основно или од средно образование.
Право за конкурирање имаат сите ученици од VI, VII, VIII и IX одделение основно образование и учениците од I, II, III и IV година средно образование
Стипендијата е во висина од 3 000 денари месечно , а се исплаќа 9 (девет) месеци во годината.
Потребни документи за учество на конкурсот
- Барање до општина Радовиш ;
- Свидетелства за континуиран одличен успех и примерно поведение ;
- Потврда за запишана учебна година (во основно или средно) ;
- Дипломи за освоени награди на општински, регионални, државни и меѓународни натпревари, организирани единствено преку образованиот систем ;
- Препорака од ментор ;
- Препорака од наставнички совет ;
- Есеј на тема „Како би и помогнал на локалната заедница како иден експерт“ ;
- Фото копија од лична карта или пасош ;
- Трансакциска сметка на име на ученикот што конкурира за стипендија и истата да биде пријавена во УЈП;
- Семејно уверение ;
- Уверение за остварени приходи од УЈП, за двајцата родители за 2023 год.;
- Поврда за работен однос на родителите, или старателите со податок за остварен личен доход од 01.01.2024 заклучно со месец Декември 2023 или Потврда од Агенцијата за вработување за невработените членови од семејството на ученикот.
- Потврда од Центарот за социјална работа (доколку се корисници на социјална помош)
Услови за доделување на стипендии
Право на стипендија имаат кандидатите кои учат во училиштата во општина Радовиш, Република Македонија, а ги исполнуваат следните услови :
– Да се жители на општина Радовиш и државјани на Република Македонија
– Да се редовни ученици од основното образование и од средно образование со континуиран скроз одличен успех кои освоиле I, II и III награда на општински, регионален и државни натпревари од областа на науката, техниката, културата и спортот, организирани и спроведени ЕДИНСТВЕНО преку образовниот систем.
Напомени:
Кандидатите се должни во Барањето јасно да означат (да заокружат) по кој основ конкурираат, односно дали конкурираат по основ на :
-Талентирани ученици исклучиво по основ на постигнат успех – без социјални критериуми или
-Талентирани ученици по основ на постигнат успех и по основа на социјални критериуми
–Ученици без свидетелства со континуиран скроз одличен успех нема да бидат земени во предвид.
-Дипломи добиени од разни други асоцијации, манифестации и здруженија на граѓани нема да бидат бодирани.
Место и рок за поднесување на документите
Барањата со потребните документи се доставуваат во Архивата на општина Радовиш во затворен плик со назнака: „За конкурс за стипендирање на ученици“
Рокот за поднесување на документите е 15 (петнаесет) дена започнувајки од 21.11.2024 год. (Четврток) заклучно со 05.12.2024 година (Четврток).
Некомплетни и ненавремено доставени документи нема да се разгледуваат.
БАРАЊАТА можат да се набават самите училишта, на WEB страната или директно во општина Радовиш.
Резултатите ќе бидат објавени во рок од 15 дена од завршувањето на конкурсот
Резултатите од конкурсот ќе бидат истакнати на огласната табла во општина Радовиш и на ВЕБ страната на општина Радовиш.
По објавувањето на резултатите, незадоволните кандидати во рок од 5 (пет) дена, можат да поднесат приговор до Градоначалникот на општина Радовиш.
Комисијата е должна во рок од 5 (пет) дена да одговори на доставениот Приговор.
Повеќе информации можат да се добијат во самите училишта, или во општина Радовиш.
Поврзани содржини

Јулија Тарабунова е новата претседателка на УЖ на ОК ВМРО- ДПМНЕ Радовиш

Во сабота започнува ШЕСТОНОЕМВРИСКИ ТУРНИР ВО МАЛ ФУДБАЛ!

Малешевски пат околу Подареш, на потегот од Смиланци кон Радовиш, во напредна фаза на реализација
Територијалната противпожарна единица од Радовиш добива 4-ри нови пожарникари

Рудникот Бучим со СООПШТЕНИЕ ДО ЈАВНОСТА во насока на транспарентна комуникација со населението oд с. Тополница за проектот на браната

ЗПОРК – Радовиш со известување до пензионерите
Радовиш
Заврши Меѓународната трибина за архитектура и градителство во Радовиш
Published
1 месец agoна
октомври 7, 2026By
Media Press
Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.
На трибината уште еднаш беше отворено прашањето за аргументите и „оправданоста“ од употребата на индустриски градежни материјали при реставрација и реконструкција на спомениците на култура.
Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан.
Трибината претставуваше можност за размена на знаења и искуства меѓу студентите, стручните лица, мајсторите и граѓаните, за зачувување и афирмација на традиционалните градителски системи.
ЦКН „С и К“ – Радовиш
Георги А. Кочев, диа.
Радовиш
Радовиш домаќин на меѓународната трибина „КУЛТУРНО НАСЛЕДСТВО“
Published
2 месеци agoна
септември 17, 2026By
Media Press
Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство.
Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.
На трибината се очекува учество на имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот македонски академски сликар Мирослав Миро Масин.
Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.
Традицијата и културното наследство како темел и иднина.
Учесници
– арх. Никола Кипровски – Белгија
Архитектура и некои природни материјали
– проф, др. Минас Бакалчев
Хроника на една школа:
Архитектонска летна школа во манастирот Св. Јоаким осоговски, 1992 – 2017
– проф. др. Донка Барџиева Трајковска
Средновековните градителски системи и реставрацијата на византиските цркви
– Во рамките на „Трибината за архитектурата во Радовиш“, својата поддршка ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.
Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.
Наставен тим: проф. Виолета Бакалчев,
доц. Бранислава Ѓорѓевиќ
доц. Нина Карангелеска.
– арх. Викторија Митева
Ревитализација на централното градско подрачје во Радовиш – Магистерски студии – МИТ универзитет
– Проекција на документарен филм за југословенскиот архитект Богдан Богданович
– СПЕЦИЈАЛЕН СПОНЗОР – АЛКОНИНГ – Софија, преставништво Скопје
арх. Ивана Цимешиќ
– Стаклени фасади како интеграција на современата архитектура во историски јадра.
– маш.инг. Славе Ѓоргиев – КНАУФ Македонија
Аналогија помегу античките системи за греење, ладење и вентилација и современите системи на Кнауф.
ПРАКТИЧНА НАСТАВА
– Васила Трајковски – зограф и конзерватор – средновековни градителски системи
– арх. Ѓорги Ѓоргиев – Бугарија – сводови, куполи и арки
– Дејан Спасович скулптор и градител – заборавени градежни техники со глина, вар, тула, дрво и камен
Организатор ЦКН Радовиш, селектор – арх. Георги А. Кочев
Радовиш
Пронајдени и одземени дабови дрва по извршен претрес во домот на лице од радовишко Коџалија
Published
2 месеци agoна
септември 11, 2026By
Media Press
На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.
При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!



