Connect with us

Радовиш

Во рамки на „Европската недела на мобилност“ во основните и средното училиште во Општина Радовиш, беше прочитано поздравното писмо од Градоначалникот Ацо Ристов

Media Press

Објавено на

Во рамки на „Европската недела на мобилност“ вчера во основните и средното училиште во Општина Радовиш, во секое оделение беше прочитано поздравното писмо од Градоначалникот Ацо Ристов.

Исто така продолжува и програмата за одбележување на „Европската недела на мобилност“.

Така за денеска 19.09.2024 – Четврток 08:00 – 16:00 час. е предвидено поставување на нови велосипедски станици и вертикална сигнализација за истите на предвидени локации и бележење на постоечки велосипедски станици низ Радовиш и Конче. Поставување на “Парклети“ на утврдени локации во Радовиш и Конче19:00 час. Настан “Glow Bike” РАДОВИШ- Одржување на ноќно дефиле со велосипеди, скејтборди и ролери обележани со светла, лед диоди и флуо стапчиња, поддржано од “СОФТ СКИЛС” *Тргнувањето ќе биде од парк на млади преку шеталиштето и ул.22ри Октомври до бул.А.македонски, се до раскрсницата кај Македноски Шуми, полукружно до кружниот тек и свртување на ул. 22ри Октомври кон Центарот за култура и завршува пред просториите на НЕКСУС.

20.09.2024 – Петок10:00 час. Велосипедско дефиле по ул.22 Октомври, бул. Александар Македонски, кеј 8ми Септември и ул.Илинденска, Поаѓање: Bike Center – EcoMomentuM, крајна дестинација: Плоштад Св.Спасо Радовишки;- Поздравен говор на претставници од општините Радовиш и Конче- Поздравен говор на претставник од USAID- Промоција на Проект „ЕКО МОМЕНТУМ“- Забавна програма на Плоштад „Св.Спасо Радовишки“.

21.09.2024 – Сабота10:00 час. Велосипедски рекреативен маратон “Maraton EcoMomentuM” патека од 87кмОние кој нема да се во можност да го завршат целиот круг од 87км ќе имаат можност на 38миот километар да се свртат на ул. „Маршал Тито“ и да дојдат до просториите на Nexus, со што ќе имаат 40км возење. Доделување на благодарници пред креативниот центар на заедницата „Nexus“.

22.09.2024 – Недела (Ден без автомобили)10:00 час. Еколошка акција на градски парк Чам баир од страна на млади волонтери од фудбалскиот клуб Детонит – Плачковица, Ракометарскиот клуб РК Радовиш и ЦПЛИП “Порака” Радовиш19:00 час. Шетање по старото корзо (тикето) во Радовиш во рамките на денот без автомобили на релација Парк на млади – Св.Спасо Радовишки до поранешен ресторан “ЗИК Радовиш“ и назад20:00 час. Кафе средба – Кафе бар МоментуМ.

Радовиш

Заврши Меѓународната трибина за архитектура и градителство во Радовиш

Media Press

Published

на

Повеќе од 70 студенти по архитектура и градежништво, мајстори и граѓани присуствуваа на предавањата и практичните вежби распоредени во текот на три дена.

На трибината уште еднаш беше отворено прашањето за аргументите и „оправданоста“ од  употребата на индустриски градежни материјали  при  реставрација и реконструкција   на спомениците на култура. 

Во тој контекст, пред студентите беа презентирани практични вежби на тема „Заборавени градителски системи“, преку кои учесниците имаа можност непосредно да се запознаат со традиционалните техники и начини на градење.

Центарот за културно наследство „С и К“ од Радовиш изразува јавна благодарност до наставните тимови на Факултетот за архитектура и дизајн при Американ Колеџ – Скопје и Архитектонскиот факултет при УКИМ – Скопје, кои со своето присуство и учество го збогатија овој значаен културно – едукативен настан. 

Трибината претставуваше можност за размена на знаења и искуства  меѓу студентите, стручните лица, мајсторите и граѓаните, за зачувување  и афирмација на традиционалните градителски системи. 

ЦКН „С и К“ – Радовиш
Георги А. Кочев, диа.

Прочитај повеќе

Радовиш

Радовиш домаќин на меѓународната трибина „КУЛТУРНО НАСЛЕДСТВО“

Media Press

Published

на

Од 1 до 3 октомври 2026 година, Радовиш ќе биде домаќин на Меѓународната трибина за архитектура и градителство „Културно наследство“, која ќе  обедини архитекти од пракса, универзитетските професори, историчари на уметност и уметници околу едно од најзначајните прашања на современото време – зачувување и афирмација на културното наследство. 

Во текот на тридневната програма, покрај стручните предавања и теоретската настава, ќе се реализираат и практични вежби посветени на традиционалните градителски системи, природните градежни материјали и традиционалните техники на градење.

На трибината се очекува учество на  имиња од земјата и странство, а свеченото отворање ќе биде збогатено со музичко-балетски перформанс и изложба на дела од еминентниот  македонски академски сликар Мирослав Миро Масин.

Покровител и организатор е Центарот за културно наследство „Самун и Каднка“, со поддршка од ALKONING – Софија – Претставништво Македонија, Кнауф Македонија и Општина Конче.

Традицијата и културното наследство како темел и иднина. 

Учесници 

– арх. Никола Кипровски – Белгија 

Архитектура и некои природни материјали 

– проф, др. Минас Бакалчев 

Хроника на една школа:

Архитектонска летна школа во манастирот Св. Јоаким осоговски, 1992 – 2017 

– проф. др. Донка Барџиева Трајковска 

Средновековните градителски системи и реставрацијата на византиските цркви 

– Во рамките на „Трибината за архитектурата во Радовиш“, својата поддршка  ја даваат студентите од трета година на Факултетот за Архитектура и Дизајн при Универзитетот Американ Колеџ Скопје, со семестралниот проект „Градски хотел во Радовиш – ново обележје на градот“.

Тема: проектирање на Хотел како современо архитектонско обележје, втемелено во локалниот контекст, инспирирано од традицијата – насочено кон иднината. Преку студентските проектни решенија се отвора простор за критичко преиспитување на односот меѓу архитектурата, градскиот идентитет и современите развојни текови.

 Наставен тим:    проф. Виолета Бакалчев,

                               доц.  Бранислава Ѓорѓевиќ

                               доц.  Нина Карангелеска.

– арх. Викторија Митева

Ревитализација на централното градско подрачје во Радовиш – Магистерски студии – МИТ универзитет

– Проекција на документарен филм за југословенскиот архитект Богдан Богданович 

–  СПЕЦИЈАЛЕН СПОНЗОР  – АЛКОНИНГ – Софија, преставништво Скопје 

    арх. Ивана Цимешиќ

 –  Стаклени фасади како интеграција на современата архитектура во историски јадра. 

–   маш.инг. Славе Ѓоргиев – КНАУФ  Македонија 

    Аналогија помегу античките системи за греење, ладење и вентилација и современите системи на Кнауф. 

ПРАКТИЧНА НАСТАВА 

– Васила Трајковски – зограф и конзерватор  – средновековни градителски системи 

– арх. Ѓорги Ѓоргиев – Бугарија –  сводови, куполи и арки 

 – Дејан Спасович скулптор и градител  – заборавени градежни техники со глина, вар, тула, дрво и камен 

Организатор ЦКН Радовиш, селектор – арх. Георги А. Кочев 

Прочитај повеќе

Радовиш

Пронајдени и одземени дабови дрва по извршен претрес во домот на лице од радовишко Коџалија

Media Press

Published

на

На 10.09.2026 во 14:40 часот во с.Коџалија, радовишко, полициски службеници од СВР Струмица-Полициска станица Радовиш во координација со Шумска полиција и Шумско подрачно стопанство Радовиш, со судска наредба извршија претрес во домот на И.Д.(47) од село Коџалија.

При претресот биле пронајдени и одземени дабови дрва за кои не поседувал соодветна документација. По целосно документирање на настанот, ќе биде поднесена соодветна пријава.

Прочитај повеќе