Советот на Општина Радовиш денеска ја одржа 48 Седница со предвиден дневен ред од 11 точки и една дополнителна. Две точки од дневниот ред беа повлечени, поради недостаток на одередни документи за што образложи претседателката на Советот Моника Трајанова.
Една од повлечените точки беше Иницијативата од група граѓани од централното подрачје на Радовиш, за додлеување на едно бесплатно паркин место за оние граѓани кои немаат услови за сопствен паркинг. Точката беше повлечена од дневен ред поради тоа што било потребно потписи од граѓани, за што се остави простор до наредната седница тие да се соберат, да се достават и повторно да се најде на дневен ред на следната седница.
Во делот на советнички прашања советникот Страхил Гавритов го искористи совето право да и честита на претседателката на Советот за изборот за пратеник во македонското собрание.
Во продолжение беше усвоена предлог одлуката за Годишна
програма за работата на Меѓуопштинскиот центар за социјална Работа Радовиш за
2024 година. Пред исвојувањето на Годишниот извештај од работењето на оваа
јавна институција за 2023 година кратко образложение даде директорот Александар
Филев.
Тој рече дека вкупно 4.050 права користат граѓаните од општините Радовиш и Конче преку Центарот за социјална рабора – Радовиш, но и дека и недостасува стручен кадар, ресурс без кој неможе да работи Центарот за социјална работа.
Во продолжение беа усвоени и останатите предлог одлуки.