Радовиш
Општина Радовиш и годинава додели стипиндии на одлични и талентирани ученици
На 35 ученици од основното и средното образование во Општина Радовиш денеска им беа врачени договорите за добивање на стипендија од општината, за учебната 2023 / 2024 година. На избраните стипендисти кои се пред се одлични и талентирани ученици кои учествувале и освоиле награди на регионални и државни натпревари, ова им претставува поголем стимул за подобри успеси и достигнувања во иднина.
Договорите во име на општината ги додели градоначалникот Ацо Ристов кој рече дека ова е значајно како за самите ученици така и за општината потенцирајќи колку образованието е важен фактор за едно успешно општество. Честитајќи им на постигнатите успеси и резултати, тој на учениците им порача да го ценат и негуваат образованието и им посака уште поголеми достигнувања во животот. Тој апелира и до компаниите да дадат поддршка и да вложуваат во потенцијални идни кадри кои би можеле во иднина да ги вработат.
Општина Радовиш додели 16 (шеснаесет) стипендии, на ученици од VI до IX одделение од основното образование, во висина од 2.500 денари месечно, за 9 (девет) месеци во текот на учебната година,
11 стипендии се доделени на талентирани ученици од I до IV година од средното образование, во висина од 3.000 денари месечно. И 8 стипендии додели Општина Радовиш – по основ на пониски примања во семејството, на ученици од основно и средно образование, а висината на стипендијата е 2500 денари за основно и 3000 денари за средно образование.
СОУ Коста Сусинов од Радовиш денеска беше домаќин на најмасовното образовно рандеву МАСУМ, кое има натпреварувачки карактер и за прв пат се одржува во Радовиш.
Околу 1500 ученици од 45 училишта од Република Македонија денеска ги претставија своите програми и своите вештини и квалитети. Настанот го отвори директорот Миле Арсов, а свое обраќање имаше и градоначалникот на Општина Радовиш Ацо Ристов.
Радовиш денеска вриеше од ученици и наставници, како во средното училиште така и по улиците, како и во Музејот на лубовта и уметноста и библиотеката Браќа Миладиновци.
СДСМ одржа Митинг во Радовиш каде пред граѓаните ја презентираа својата програма и ја побараа поддршката, но и потсетија зошто да не се гласа за противничката политички партија.
„Ако десничарска партија како ВМРО ДПМНЕ добие преголема моќ, тоа ќе стави крај на нашите ЕУ перспективи, крај на независните медиуми, крај на борбата за независно судство.
Не дозволувајте ВМРО да продава евтини демагогии за иднината. Сетете се како неговиот ментор од Будимпешта ја ограби и ја зароби државата. Сетете се на повеќе од пола милијарда евра народни пари потрошени за криминалниот проект Скопје 2014. Сетете се на заробените медиуми, замолчените вработени во јавниот сектор кои ги запишуваа по списоци, пикаа по автобуси и носеа на контра протести во Скопје, на натепаните студенти. Сетете се на милионите потрошени за жални врби, лажен барок, евтин стиропор само за да се богатат поединци и фамилијата која беше на власт,“ порача пред радовишани петседателот на СДСМ, Димитар Ковачевски на митингот во Радовиш.
Ковачевски од Радовиш порача: Во среда гласајте ЗА европска иднина, за држава во која ќе сакаат да останат вашите деца!
Свое обраќање имаа и кандидатот за пратениик од Радовиш Симона Цветаноски, носителот во ИЕ4 Венко Филипче и коносителот во ИЕ4 Јована Тренчевска.
„ Сега повеќе од било кога ни е потребно единство.Исправени сме пред одлучувачки момент за иднината на државата, но и иднината на СДСМ. Предизвикот пред нас е голем. По резултатот во првиот круг, нè чека тешка задача да ги подобриме работите. Тешка, но не и невозможна задача е пред нас која може да ја оствариме ако се обединиме на 8 мај, истакна носителот на листата на кандидати за пратеници на СДСМ и Коалицијата за европска иднина, д-р Венко Филипче кој се обрати на централниот митинг во Изборната единица 4 што се одржа во Радовиш.
Кандидатот за пратениик од Радовиш Симона Цветаноски, ја побара поддршката од Радовишани притоа спомнувајќи дека и како одговорно лице на Здравствен дом Радовиш работела во интерес на граѓаните и дека така ќе продолжи и во иднина.
Општина Радовиш и годинава активно се вклучи во Проектот „ГЕНЕРАЛКА ВИКЕНД“
15 -ти Саем на книги 2024 во Радовиш, ПОНУДА НА НАЈНОВИ НАСЛОВИ ОД ДВАЕСЕТТИНА ИЗДАВАЧКИ КУЌИ
ПАТНИ ТРОШОЦИ ЗА ВАС ПАТНИ ТРОШОЦИ ЗА НАС, реагира Сојуз на Синдикати на Македонија- ССМ
Левица: 366 ИЛЈАДИ ЕВРА за патни торшоци за пратениците од коалицијата ДПМНЕ-СДС-ДУИ за една година. Крмов и Апасиев не земаа ниту денар
