Connect with us

Конче

СООПШТЕНИЕ до сите Верници во Општина Конче

Media Press

Објавено на

Ни предстои празникот ,,БОГОЈАВЛЕНИЕ – ВОДИЦИ,, во оваа ново лето Господово по втор пат во Општина Конче се организира на централно ниво положување (фрлање) на чесниот Крст во водите на реката Лакаавица.

Фрлањето на Чесниот Крст Господов ќе биде во 12 часот на 19.01.2024 год. ден Петок. Право на учество имаат сите заинтересирани од населените места во општина Конче и тоа: Конче, Лубница, Габревци, Дедино, Ракитец, Долни Липовиќ, Горни Липовиќ. Пријавените за учество имаат обврска да пополнат изјава за доброволно учество, а за учесниците под 18 години мора да има изјава и родителска согласност. За сите кои ќе влезат во водата по чесниот крст има обезбеден скромен поклон, за оној кој ќе го извади чесниот крст од водата следува награда“, стои во соопштението од Ињевско-конечка парохија.

Покровител на организацијата е Општина Конче, Градодачалникот на Општина Конче, Советот на Општина Конче.

„По извршувањето на чинот сите присутни може да ни се приклучат на хуманитарната празнична дружба на која ќе се послужи топол чај и топла ракија и печен колбас, а соберените парични средства ќе бидат донирани во хуманитарни цели за лица на кои им е потребна помош во Општина Конче.Бог се Јави, честит и вековит празникот и празнувањето“ се додава во соопштението.

И градоначалникот на Општина Конче Златко Ристов, ги повикува граѓаните да ја проследат централната манифестација која се организира по втор пат.

„Почитувани граѓани на Општина Конче , со големо задоволство Ве покануваме сите заедно по втор пат да ја проследиме централната манифестација Богојавление-Водокрст Општина Конче 2024. Голем број на изненадувања за учесниците и за среќниот подигач на светиот крст ваучер во вредност од 30 000 денари…“ стои во соопштението.

Лица за пријавување на учесниците !

070844053 -Спасо

070359907 -Горан

078516373 – Јане

071259197 -Ѓоше

Конче

Ловџија од Габревци, додека бил на лов на диви свињи, бил повреден со сачма од ловна пушка

Media Press

Published

на

На 07.11.2026 година во 13:48 часот во Полициската станица Радовиш, лекар од Итна медицинска помош Радовиш пријавил дека кај нив за укажување на лекарска помош било донесено лицето С.М. од село Габревци, општина Конче, кој додека бил на лов во атар на село Габревци бил повреден со сачма од ловна пушка.

На 07.11.2026 година С.М., заедно со Р.Р., И.Р., З.Р., М.Р., С.С. и С.Р., сите од село Гавревци биле во лов на диви свињи, на место викано „Трска“ атар на с. Габревци, при што И.Р. со еден патрон испукал кон дива свиња, а од истрелот една сачма го погодила С.М. во пределот на стапалото. Тој бил пренесен во Комплекс клиники „Мајка Тереза“ во Скопје.

Од страна на увидна екипа од ОВР Радовиш бил извршен увид на местото. Од И.Р.(43) од село Габревци биле одземени ловна пушка ,,Baikal M-155“ калибар 12 мм, ловна пушка „Ata Arms“ калибар 12 мм , дозвола за оружје, дневна дозвола за ловење и 6 патрони калибар 12 мм. Од С.С.(60) од село Габревци биле одземени ловна пушка ,,Zastava М-80“ калибар 12мм и дозвола за оружје. За настанот е известен јавен обвинител, а по документирање на случајот ќе биде поднесена соодветна пријава.

Прочитај повеќе

Конче

Општина Конче започна со изградба на летниковци на две локации

Media Press

Published

на

Општина Конче започна со изградба на летниковци на две локации, на барање на граѓаните за одбор и рекреација.

„Деновиве започнавме со изградба на летниковци на две локации – едната во м.в. „Дабјата“, во атарот на село Лубница, а другата ќе биде лоцирана на раскрсницата во близина на бензинската пумпа „Макпетрол“. Со изградбата на овие два летниковци се опфаќаат локации кои најмногу ги користат граѓаните, случајните минувачи и посетителите на Општина Конче“, истакна градоначалникот Златко Ристов.

Ристов вели дека овие летниковци се градат на барање на граѓаните, за да имаат каде да одморат во топлите летни денови. Општина Конче како што вели градоначалникот продолжува со создавање уредени и пријатни места за одмор и престој на своите граѓани и посетители.

Прочитај повеќе

Конче

Жител од Горни Липовиќ, држејќи секира во рака агресивно се однесувал кон вработени на Шумска полиција

Media Press

Published

на

На 15.08.2026 во 20:00 часот во село Горни Липовиќ, општина Конче,  полициски службеници од СВР Струмица-ОВР Радовиш го лишија од слобода С.В.(50) од село Горни Липовиќ.

Според пријавеното, тој околу 17:20 часот во атар на село Горни Липовиќ држејќи секира во рака агресивно се однесувал кон вработени на Шумска полиција, кои преземале службени дејствија. Лицето е задржано во Полициската станица Радовиш, а за настанот е запознаен јавен обвинител од Основното јавно обвинителство Радовиш.

По целосно документирање на случајот против С.В. ќе биде поднесена соодветна пријава.

Прочитај повеќе