Босилово
Старите лица од општина Босилово добија нов центар за дневен престој
Објавено на
Од
Media Press
Пензионерите и постарите лица кои живеат во општина Босилово за првпат добиваат Центар за дневен престој на стари лица со активно стареење. Центарот е лоциран во населеното место Турново и ќе може секојдневно да го посетуваат до 24 корисници, каде преку различен вид активности кои ќе се спроведуваат под надзор на стручни лица, добиваат можност за квалитетен, активен живот и социјализација.
Отворањето на овој центар се реализира преку Проектот за подобрување на социјалните услуги, кој го имплементира Министерството за труд и социјална политика, со поддршка од Светска Банка, во рамки на социјалната реформа која започна да се спроведува во 2019 година. Една од клучните цели на оваа реформа е зголемување на достапноста на социјалните услуги на локално ниво, до оние граѓани на кои тие им се најпотребни.
„Центрите за дневен престој на стари лица за активно стареење се еден тип на социјална услуга која е наменета за активните стари лица и им овозможуваат на старите лица низ разновидни активности да бидат ангажирани, да се дружат, како и квалитетно да го исполнат нивното време. Јас сум многу задоволна што денеска ќе ја врачиме лиценцата за вршење дејност на третиот центар за дневен престој на стари лица и верувам дека истиот ќе им носи многу дружба и активности на жителите од село Турново. Задоволството е поголемо што се работи за рурална средина и тоа покажува дека ние сме посветени на изградба на систем на социјални услуги низ целата земја, со акцент на одалечените места.“, истакна министерката за труд и социјална политика, Јованка Тренчевска.

Со новиот центар за дневен престој на стари лица со активно стареење во Турново ќе управува општинската организација на Црвениот крст во Струмица, кој од Министерството за труд и социјална политика ја доби соодветната дозвола за вршење дејност од областа на социјалната заштита.
Од Црвениот Крст Струмица искажаа задоволство што заедно со општина Босилово се добитници на грант за развој на оваа услуга и потенцираа дека ќе го искористат своето знаење и искуство за да креираат активности кои ќе внесат свежина и радост во секојдневниот живот на корисниците, помагајќи им квалитетно и активно да го поминат третото доба.
„Горд сум што Босилово е една од општините чии проекти за развој на нови социјални услуги беа избрани како најдобри и чија реализација е овозможена од страна на Министерството за труд и социјална политика. Тоа покажува дека сме направиле добра проценка на потребите на нашите сограѓани и добро сме ги идентификувале оние што заслужуваат посебно внимание и поддршка. Постарите граѓани од нашата општина секако спаѓаат во таа група и затоа денеска сум особено задоволен што заедно со ресорното министерството и давателот на услугата – Црвениот крст од Струмица, започнуваме со исполнување на оваа наша заложба“, оцени градоначалникот на Општина Босилово, Ристо Манчев.

Поврзани содржини
Босилово
Општина Босилово ќе доделува бесплатни канти за отпад
Published
6 дена agoна
ноември 10, 2026By
lence
ИЗВЕСТУВАЊЕ!
Се известуваат граѓаните на Секирник дека денес на 10-ти Ноември (Вторник) од 09:00 до 13:00 часот ќе се делат БЕСПЛАТНИ КАНТИ за отпад во паркот во центарот на селото.
Сите физички и правни лица потребно е да понесат со себе документи за лична идентификација со цел склучување на договор за користење на кантите
Босилово
Филипче од Босилово: Земјоделците трпат огромни загуби, откупните цени паднаа за 30%
Published
6 месеци agoна
мај 13, 2026By
Media Press
Земјоделците трпат огромни загуби, откупните цени паднаа за 30%, реагира претседателот на СДСМ Венко Филипче, кој вчера беше во посета на село Иловица, општина Босилово. Тој имаше средба со земјоделци од овој регион, на која се разговараше за состојбата во земјоделството и проблемите со кои се соочуваат земјоделците. Во изјавата Филипче посочи дека сите земјоделци во државата се соочуваат со проблеми – од неисплатени субвенции, ниски откупни цени, високи производствени трошоци, поради што трпат огромни загуби. Цената на компирот, посебно е намалена, за околу 30% исткакна Филипче.

„Прво, не си исплатени субвенциите, дополнително тие за оваа година во програмата се намалени. Откупните цени се многу ниски на сите рано-градинарски производи. Цената на компирот, посебно е намалена, за околу 30%.
Станува збор за тотална негрижа од оваа власт и од ова раководство на Министерството за земјоделство, шумарство и водостопанство. Практично министер кој што единствено нешто по што е познат се бројните коруптивни скандали. И човекот е навистина исто како и целата влада, треба да замине.
Трошоците за производство се зголемени за 300%. Зголемена е цената на работната рака. Зголемена е цената на водата. Зголемени се цените на ѓубривата. И на целиот тој зголемен трошок, откупните цени на сите производи се намалени за близу 30%. Ете за таква негрижа на оваа влада станува збор. Што поскоро се замине, толку подобро за сите граѓани на државата“, изјави Филипче.

Од друга страна министерот за земјоделство шумарство и водостопанство Цветан Трипуновски, продолжува со одржување на трибини по општините во земјава, во рамки на кампањата „Гласот што го слушаме – македонско најдобро“, на кои како што вели Трипуновски со земјоделците разговараат за активностите во земјоделскиот сектор, слушаат предлози, критики и иницијативи и креираат нови мерки.

Босилово
Ристо Манчев денеска официјално го прими уверението за втор мандат за градоначалник на Општина Босилово
Published
1 година agoна
октомври 30, 2025By
Media Press
Ристо Манчев денеска и официјално го прими уверението за втор мандат за градоначалник на Општина Босилово од ОИК. Манчев победи со огромна разлика од 2800 гласови во однос на својот против кандидат и стана повторно граоначалник на Општина Босилово. Тој им се заблагодари на сите граѓани за огромната поддршка и рече дека ќе биде градоначалник на за сите.

„Почитувани граѓани, најискрено Ви благодарам за вашата доверба, која што беше огромна, што за мене значи силен мотив да продолжиме уште посилно напред. Успехот е заеднички на сите нас! Се гледаме од утре на терен. Имаме многу што да работиме! Бев и ќе останам ГРАДОНАЧАЛНИК ЗА СИТЕ! вели Манчев.
Уверенијата ги одбија и новите советници кои ќе бидат дел од Советот во следните четири години.




Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

