Connect with us

Здравје

Храна која влијае позитивно на КАРДИОВАСКУЛАРНИОТ СИСТЕМ

Media Press

Објавено на

Срцевите заболувања се една од најголемите опасности за современиот човек, а за нив особено придонесува високиот холестерол.

Пред се, тоа се однесува на таканаречениот „лош“ – ЛДЛ холестерол, кој е поврзан со зголемен ризик од развој на кардиоваскуларни заболувања.

На него значително влијае начинот на живот и исхрана, а медицинската платформа Healthline ги издвојува следните намирници како пожелни во вашата исхрана доколку се обидувате да го намалите холестеролот во крвта.

Мешунките

Мешунките се најпознат растителен извор на протеини и богати се со витамин Б, потоа со калиум, железо, магнезиум и, особено важно за дигестивниот систем, растителни влакна.

Преглед на дури 26 рандомизирани студии, објавени во 2014 година во Canadian Medical Association Journal, покажа дека консумирањето околу 100 грама мешунки дневно може да помогне во намалувањето на лошиот холестерол за 6,6 mg/dl.

Други истражувања ги поврзаа мешунките со ефективно слабеење, а студија објавена во 2016 година во The American Journal of Clinical Nutrition покажа дека тоа е случај дури и кога менито не е ограничено со калории.

Авокадо

Авокадото припаѓа на овошја кои се многу богати со хранливи материи, а содржат значителна количина на мононезаситени масти и растителни влакна, кои можат да помогнат во намалувањето на лошиот холестерол и да го подигнат HDL холестеролот, попознат како добар.

Во студија од 2015 година од страна на експерти од Универзитетот во Пенсилванија, беше откриено дека дебелите луѓе кои имаат висок ЛДЛ холестерол во крвта може да го намалат кога јадат барем едно авокадо дневно, во споредба со контролната група која не јадеше ова овошје. .

Јаткасти плодови

Меѓу даровите на природата кои имаат најмногу хранливи материи, се издвојуваат јаткастите плодови, особено оревите и бадемите.
Додека оревите се богати со омега-3 масни киселини, еден вид полинезаситени масти поврзани со поздраво срце, бадемите се богати со L-аргинин, амино киселина која му помага на телото да произведува азотен оксид, кој дополнително помага во регулирање на крвниот притисок.


Дополнително, вели Healthline, јаткастите плодови се богати со фитостероли, соединенија кои се слични на холестеролот и помагаат да се намали со блокирање на апсорпцијата во цревата.

Масна риба

Помасните риби, како што се лососот и скушата, се одличен извор на омега-3 киселини со долг синџир, кои можат да помогнат во намалувањето на воспалението и ризикот од мозочен удар, а истовремено да го зголемат нивото на добриот холестерол во крвта.

Една 25-годишна студија објавена во European Journal of Nutrition во 2016 година покажа дека возрасните кои јаделе најмногу непржена риба имаат најмалку шанси да развијат метаболички синдром. Тоа е збир на симптоми кои вклучуваат и висок крвен притисок и ниски нивоа на добар холестерол.
Исто така, една студија од 2005 година на експерти од Факултетот за јавно здравје на Харвард покажа дека луѓето кои јадат туна или друга риба на скара барем еднаш неделно имаат 27 отсто помал ризик од мозочен удар.

лук

Лукот со векови се користи во народната медицина ширум светот бидејќи се верува дека помага при многу состојби, а неодамнешните истражувања покажуваат дека има одредена вистина во ова.
Лукот содржи многу корисни и моќни соединенија, меѓу кои главен е алицинот.

Според Healthline, голем број студии сугерираат дека може да помогне во намалување на крвниот притисок кај луѓето со висок крвен притисок, а исто така може да биде корисен за висок вкупен и лош ЛДЛ холестерол, иако вториот ефект е помалку силен.

прикажи повеќе

Здравје

Предупредувачки знаци на заборавеност

Media Press

Published

на

Експертите изјавија дека ако некое лице не може да се сети дури и на едноставни зборови, тоа е веќе причина за загриженост

Благите паузи во меморијата, како на пример бавно сеќавање на имиња или некои детали можат да се случат и на возраст помеѓу 30-40 години, но тоа станува очигледно по 50-60 години.

Слика генерирана од AI

Експертите предупредуваат дека треба да се вклучи алармот кога заборавеноста почнува да се случува во секојдневниот живот. Заборавеност, дезорентација на познати места и тешкотии при изнаоѓање вообичаени зборови.

Стресот, недостаток на сон или депресија можат да влијаат на меморијата. Недостатокот на витамини Б12 или Д, како и од дисфункција на тироидната жлезда може да предизвика слични симптоми.

Во таков случај важно е веднаш да се консултирате со невролог, кој ќе ја процени вашата когнитивна функција во целост и здравјето.

Прочитај повеќе

Здравје

ЗОШТО ТРЕБА ДА ОДИТЕ 100 ЧЕКОРИ ПО ЈАДЕЊЕТО

Media Press

Published

на

Експертите наведуваат дека 100 чекори по јадењето му помагаат на телото подобро да ја апсорбира гликозата и да ја одржува активноста без интензивни вежбања.

Редовно одење помага во согорувањето на енергијата, го ублажува чувството на тежина по јадење и ве одржува во форма.

Подобра апсорпција и контрола на гликозата (Шеќерот во крвта)

  • Мускулна апсорпција: Кога јадеме, нивото на гликоза во крвта се зголемува. Кога мускулите се соодветно активирани (дури и со лесно одење), тие почнуваат да ја влечат гликозата од крвта за да ја користат како енергија.
  • Помало оптоварување на панкреасот: Овој процес се случува независно или со помала потреба од инсулин, што го спречува наглиот скок на шеќерот во крвта (glycemic spikes) и го намалува заморот што често се јавува по јадење.

2. Поддршка на дигестивниот систем

  • Краткото и лесно движење ја стимулира перисталтиката (кревањето и работата на цревата), што помага храната побрзо и поефикасно да се преработи.
  • Го намалува чувството на подуеност, тежина во стомакот и ризикот од појава на киселини (рефлукс).

3. Лесна активност без замарање

  • За разлика од интензивниот тренинг (кој не се препорачува веднаш по оброк бидејќи ја пренасочува крвта од дигестивниот систем во големите мускули), лесното чекорење не го оптоварува стомакот, а сепак го одржува метаболизмот активен.

Дали 100 чекори се доволни?

Иако 100 чекори се одличен начин да се прекине долгото седење веднаш по јадење, повеќето здравствени студии покажуваат дека најоптимални резултати за намалување на шеќерот во крвта се постигнуваат со:

  • 2 до 5 минути лесно одење (што изнесува околу 250 – 500 чекори);
  • Идеално во рок од 30 до 60 минути по оброкот, кога нивото на шеќер во крвта го достигнува својот пик.

Прочитај повеќе

Здравје

Еве зошто не треба да се става парче лимон во пијалак

Media Press

Published

на

Кришка лимон во чаша вода или во некој друг пијалак е вообичаена работа. Меѓутоа, дали некогаш сте помислиле дека притоа внесувате многу повеќе материи во својот организам и тоа непосакувани?

Во текот на истражувањето кое го спроведе Journal of Environmental Health истражувачите прегледале 76 лимони собрани од 21 ресторан кои ги посетиле 43 пати.

Откриле дека дури 70 отсто од кришките лимони содржат микроорганизми.

Примероците ги земале откако пијалакот бил послужен, значи пред да се испие или некој друг физички контакт. За потеклото на микробите научниците можеле само да шпекулираат.

– Иако е познато дека лимонот има некои антибактериски својства, резултатите покажале дека широкиот спектар на микроорганизми може да опстане дури и на неисечен лимон.

Сопствениците на рестораните и кафулињата треба да бидат свесни дека заедно со лимонот во чашата ставаат потенцијално патогени микроорганизми – се наведува во студијата.

Филип Тиерно, професор по микробиологија и патологија во медицинскиот сектор НЅУ Лангон, спроведе десетина слични истражувања.

Откри дека дури половина од лимоновите кришки се загадени со човечки фекалии поради директен допир со прстите.

Имено, забележал дека многумина работат во нехигиенски услови, а освен тоа во допир се со други намирници или миеле чаши, а потоа ја допирале храната и лимонот без ракавици и без претходно да ги измијат рацете.

На лимонот можат да се пренесат бактерии и ако не се измијат рацете по одење во тоалет, кивање или кашлање.

Тиерно вели дека постои можност комзументот да се разболи поради тоа, но тврди дека не постои голем ризик.

Слични микроби најдени се и во шишенцата за сол, бибер, масло и кечап, како и на приборот за јадење.

Извор: https://denar.mk/42373

Прочитај повеќе