Радовишките пензионери излегоа на протести, бараат линеарно покачување на пензијата
Протестите на пензионерите се
проширија во повеќе градови а денеска и во Радовиш. Радовишките пензионери незадоволни од најавеното покачување на пензиите од 6 отсто во септември денеска
излегоа на мирен протест пред Собранието во Радовиш. Незадоволните
пензионери побараа линеарно покачување на пензиите од 3.500 денари и зголемување на
минималната пензија на 80 отсто од минималната плата.
„Никако процентуално, ние сме за линеарно покачување на пензиите.
Процентуалното покачување толку нѐ оддалечи едни од други што јас имам 10.000 а на некои се качија до месечината. Покачувањето на пензиите мора да биде линеарно еднакво за сите, бидејќи кога одиме да купуваме во продавница за сите е исто на каса, се со иста цена и за пензионерите со најниски примања, но и за оние со највисоки“, велат пензионерите од
Радовиш.
„Нели е срамота некои да имаат
покачување од 87 отсто, а на нас само 6 отсто. Бараме за сите
да биде еднакво, линеарно и зголемување на процентот на минималната пензија на 80% од минималната плата“ додаваат револитраните
пензионери.
Протестот е подржан и од активот на жените пензионерки во општините Радовиш
и Конче но семтат дека раководството на здружението требало да биде информирано.
„Даваме целосна поддршна на протестот и нашиот став го пренесовме преку
нашиот претставник во извршниот одбор во Сојузот на пензионери во Скопје, дека
ги поддржуваме протестите на пензионерите за линеарно покачување на пензијата“,
вели Костадинка Николова претседател на Активот на жени пензионерки од Радовиш
и Конче.
За утре пензионерите најавија повторно протести во 10 часот но овој пат
пред клубот на пензионери во пензиомнерскиот дом во радовиш каде е сместено и
раководството на ЗПОРК од кое ќе побараат поддршка.
Протестите почнаа во Прилеп
каде незадоволните пензионери побараа линеарно покачување на пензиите од 3.500
денари наместо најавеното покачување од 6 отсто во септември, за потоа да се прошират
и во останатите градови.