Дводневен настан велосипедски тури  „Авантурите на Конче и Мантово“ ќе се одржи  на 8 и 9 јули годинава, на локација на Влашки Колиби, Езеро Мантово. Ново велосипедско искуство во општина Конче при што присутните ќе имаат можност  да ги запознаат природните убавини и локалните особености во овој дел на Македонија.
За сместување е предвидено кампување со сопствена опрема.
Учеството е бесплатно со задолжителна претходна регистрација преку линкот https://www.prvdovrv.mk/konche

Секој учесник добива:
– dri-fit маичка
– сувенир
– вечера во сабота
– доручек и ручек во недела
– освежување за време на велосипедските тури
– организирани велосипедски тури со поддршка на локални водичи
– медицинска помошо за време на велосипедските тури
– велосипедски сервис за време на турите за асистенција во отстранување на брзи дефекти кај велосипедот

Програма:
Сабота, 8 јули
10-15 часот Пристигнување и регистрација за поставување на сопствена камп опрема
17:00 Мала велосипедска тура околу Езерото Мантово
20:00 Вечера
21 – 00 Забава со Troya Band и DJ Flowzy

Недела, 9 јули
– 8:00 Доручек
– 10:00 Голема велосипедска тура
– 15:00 Ручек

Во турата може да учествува секое полнолетно лице (или малолетно во придружба на родител или старател) кое се чувствува физички подготвено за повеќечасовно возење велосипед по планински патеки.
Секој учесник задолжително треба да има технички исправен велосипед за возење по планина и off-road, кацига, резервна внатрешна гума, облека според најавените временски услови, шише за вода, неопходна храна за ден поминат во природа.
Учесниците кои ќе се движат пред или побргу од водичот на турата или самоиницијативно ќе истапат од групата и предвидената патека за возење, тоа го прават на сопствен ризик и одговорност.
Патните трошоци до стартот на турата се на товар на учесниците.
Секој учесник во турата вози на сопствена одговорност и според своите можности, и е лично одговорен за евентуалните несакани последици.
 Организаторот го задржува правото за измени на турата предизвикани од објективни новонастанати фактори, како и предвремено затворање на пријавувањето доколку бројноста на групата го достигне планираниот максимум.