Започна 8-та Меѓународна радовишка ликовна колонија во Радовиш
Започна 8-та Меѓународна радовишка ликовна колонија -2023, во организација на ДЛУР Рада од Радовиш а под покровителство на Општина Радовиш. Свеченото отварање беше денеска во Музејот на лубовта и уметноста, во присуство на 15-тина уметници учесници на колонијата од Србија и Бугарија, академски сликари од Македонија како и членовите на „РАДА-ДЛУР“ и други поканети гости љубители на уметници.
Присутните уметници и гости ги поздрави претседателот на ДЛУР Рада од Радовиш, Душан Коцев и градоначалникот на Општина Радовиш, Ацо Ристов кој притоа им посака успешна колонија на уметниците од земјава и странство.
Во рамките на колонијата годинава за прва пат беше промовирана и книга – поезија „ТИХОВАЊЕ или ТИХУВАЊЕ“ во која Наташа Радосавлевиќ -Нара од Србија која учествува и како ликовен уметник на колонијата, со својата уметничка душа, ќе се обиде да ги спои сликарството и поезијата.
Јас сум сликар -поет и поет – сликар и подеднакво ги сакам и двете мои деца, рече Наташа Радосавлевич -Нара, на промоцијата на својата нова книга поезија ТИХУВАЊЕ, која е преведена и на Македонски јазик. Таа досега има објавено три книги -поезија.
На свеченото отварање беа изложени уметничките дела од претходните ликовни колонии, како и изложба на скулптури од М.Е.Стефанов – Карсон.
Ликовната колонија ќе трае до петок 23 јуни во комплексот Бел камен на планината Плачковица.