Научниците произведоа вакцина
која може да помогне да се спречи повторување на два од најсмртоносните видови
на рак во светот. Се развива вакцина за
рак предизвикан од мутација на генот KRAS, а прелиминарните истражувања ги
тестираа неговите ефекти кај луѓе со рак на дебелото црево и панкреасот.
Студијата за
прв пат кај луѓе покажа дека вакцината, развиена од Elicio Therapeutics,
покажува потенцијал да го намали ризикот од повторување кај 100 проценти од
пациентите на кои им биле отстранети туморите, но сепак имаат маркери за рак во
крвта.
Научниците
кои го спроведоа истражувањето изјавија за Daily Mail дека иако се потребни
многу поголеми студии за да се потврди ефикасноста на лекот, вакцината може да
ја подобри стапката на преживување кај ракот на дебелото црево и панкреасот
(чија стапка на преживување за пет години е само 12,5 проценти).
За разлика од другите
експериментални вакцини за рак во развој, оваа не треба да се прилагоди на
секој пациент, што ја прави подостапна и поевтина. Експертите ја тестирале
вакцината на 25 пациенти кои имале рак на панкреасот или дебелото
црево. На сите им беа отстранети туморите хируршки, но сепак во крвта имаа
биомаркери за рак, што доведува до висок ризик за враќање на болеста.
„Тоа е периодот во кој личноста
која за жал не е излечена има најмала количина на рак во својот состав“, рече
Паштун Каси, директор за истражување на рак на дебелото црево во Weill Cornell
Medicine во САД. По третманот, висок процент од пациентите (77%) имале
намалување на нивото на биомаркери, додека 33% од нив повеќе немале биомаркери за
рак во крвта.
Вакцината користи два пептиди,
G12D и G12R. Тие се врзуваат за албумин, протеин во телото кој ги
транспортира масните киселини до лимфните јазли. Албуминот и помага на
вакцината да патува до лимфните јазли, каде што го активира имунолошкиот систем. Ова
се разликува од другите пептидни вакцини, вели Каси, бидејќи слични вакцини
имаат бајпас, што значи дека тие патуваат до органите што не им се потребни и
се деградираат во тој процес.
Во текот на лекувањето,
вакцината се инјектира и на рацете и на нозете, односно се даваат вкупно четири
инјекции неделно во период од четири недели. Пациентите продолжија со овој
процес, а потоа паузираа пред да започнат со тримесечната
ревакцинација. Фазата на ревакцинација е неопходна бидејќи по одредено време
имунолошкиот одговор на вакцината слабее.