Радовиш
Општина Радовиш додели признанија на најдобрите просветни работници, на денот на сесловенските просветители Кирил и Методиј
Published
11 месеци agoна
By
Media PressПо повод 24 мај – Денот на просветата и светите просветители Св.Кирил и Методиј, Општина Радовиш додели признанија на најдобрите наставници, професори, негователи и воспитувачи во општината.
Признанија беа додлени на 13 просветни работници, по двајца наставници, еден од одделенска и еден предметен, од петте Основни училишта во општината, еден негувател и еден воспитувач од ДГ „Ацо Караманов“ и еден професор од СОУ „Коста Сусинов“ од Радовиш.
Свечениот настан кој беше организиран во Музејот на Љубовта и Уметноста во Радовиш, започна со беседа за светите просветители Кирил и Методиј, во изведба на ученици од двете основни училишта „Крсте Петков Мисирков“ и „Никола Карев“ од Радовиш, а подготвени од страна на наставничката Павлина Кошевец, која е веќе во пензија но сеуште активна во полето на литературата и културата во Радовиш.
Општина Радовиш ги додели овие признанија со цел да се стави акцент на важноста на образованието и просветните работници, кои се движечка сила која произведува квалитетни идни генерации, кои ќе го движат општеството напред.
Поврзани содржини
Општина Радовиш објави JАВЕН КОНКУРС за доделување на традиционалните Шестоноемвриски признанија и плакети за 2022 година
Доделени признанија на повеќекратни крводарители од страна на Црвен Крст- Радовиш и Општина Радовиш
Продолжен викенд за празникот на словенските просветители „Св. Кирил и Методиј“
Oпштински признанија и шестоноемвриски плакети за постигнати резултати и афирмација на Радовиш
Радовиш
Винарија Кукутанов е нова радовишка винска приказна
Published
2 дена agoна
април 17, 2024By
Media PressДолгoгодишното искуство за правење на вино, силната винска страст и поволните климатски услови во радовишкото поднебје, придонесоа за отворањето на Винарија Кукутанов, која веќе на самиот почеток со своите високо квалитетни вина се наметнува на домашниот и регионалниот пазар.
Со капацитет за производство од 30.000 шишиња годишно, Винарија Кукутанов е нова радовишка винска приказна за која тек ќе се зборува. За почеток, фокусот е на добропознатите Шардоне и Р’кацители, уникатното Розе, добиено од автохтоната сорта на грозје Радовишка (Ж’та) прачка и елегантното Мерло „зачинето“ со радовишки тероар, вина наменети за страсните љубители на винoто. Уникатноста и квалитетот на Кукутанов вината се нивен заштитен знак, а оние кои еднаш ќе ги пробаат им остануваат верни.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Published
4 дена agoна
април 15, 2024By
Media PressИзложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Published
4 дена agoна
април 14, 2024By
Media PressОпштинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.