Connect with us

Македонија

Баргала од Штип оди во стечај, работниците да пријават побарувања во рок од 15 дена

Media Press

Објавено на

По повеќе годишна борба на работниците и ССМ, отворена е стечајна постапка за поранешниот гигант АД „Баргала“ – Штип што произведуваше чевли. После 2 години од поднесувањето на Барањето за престанок на работодавачот АД Баргала од Штип од повеќе од 80 работници заедно со ССМ и СТКЧ и сите пречки кои ги правеа и стечајниот судија  Емил Пилатов и привремениот стечаен управник Пепи Панев, Стечајниот управник на последното судско рочиште во Основниот суд – Штип кое се одржа на 08.05.2023 година конечно предложи на барање на доверителите стечајна постапка за АД „Баргала“-Штип, бидејќи сметката е блокирана, а како побарувачи се јавуваат над 50 вработени, потоа АД „Македонија осигурување“ и Комерцијална банка, а на кои побарувањата од должникот АД „Баргала“ изнесуваат над 3,5 милиони евра, информираат од ССМ.

„Борбата која ја водеа работниците заедно со ССМ и СТКЧ конечно даде резултат и газдите на АД Баргала од Штип повеќе не се газди туку се исто што и работниците.

На работниците им укажуваме дека во рок од 15 денови од денот на објавата на Решението во Службен Весник потребно е да поднесат пријава до Стечајниот управник за праични побарувања од работен однос ( не исплатени плати, регрес за годишен одмор и надоместотиц и трошоци ), а за што пријава можат да преземат на следниот линк ПРИЈАВА и кон истата да приложат фотокопија од лична карта, трансакциска сметка, акт на работодавачот ( доколку го имаат за утврдедено право ) и истите во два примероци да ги достават на адреса на стечајниот управник.

Истовремено, на работниците кои се во работен однос им укажуваме со одјавите М1М2 образецот да поднесат барање во Агенцијата за вработување – АВРМ за паричен надомерсток за метеријално обезбедување по основ на стечај, за што во рок од 30 денови ќе добијат решение и исплата на надоместокот од АВРМ“ стои во објавата на ССМ.

Дополнителни информации можат да добијат во Синдикатот за текстил, кожа и чевли – СТКЧ https://ssm.org.mk/…/stechaj-za-bargala-ad-shtip…

Македонија

Поевтинуваат горивата

Media Press

Published

на

Новата цена на ЕУРОСУПЕР БС-95 изнесува 84 денари, а на ЕУРОСУПЕР БС-98 — 86 денари за литар.

ЕУРОДИЗЕЛ ќе се продава по цена од 92 денари за литар.

Eкстра лесното масло за домаќинство поевтинува за три денари и ќе чини 100,50 денари,

Цената на мазутот М-1 НС се намалува за 0,998 денари по килограм и изнесува 48,314 денари.

Прочитај повеќе

Македонија

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

Media Press

Published

на

На 12.11.2026 во 15:50 часот во Гевгелија, полициски службеници од СВР Струмица-ОВР Гевгелија го лишија од слобода З.Ј.(55) од Скопје. При контрола во патниот сообраќај, полициските службеници сопреле патничко возило „бмв“ со скопски регистарски ознаки, кое го управувал З.Ј. и по преземени мерки било констатирано дека го управува возилото, иако има изречено активна забрана за управување со возило. По целосно документирање на случајот ќе биде поднесена соодветна пријава.

Прочитај повеќе

Македонија

Јордан Митев со грандиозен концерт во Скопје на 26-ти декември 2026 – Гласот што ги обединува Македонците ширум светот

Media Press

Published

на

Кога срцето чука во ритамот на македонската зурла и тапан, кога песната ја преминува секоја граница и ги обединува Македонците каде и да се – на сцената застанува името кое е симбол за автентичност, врвен квалитет и вистинско музичко достоинство – Јордан Митев.

Јордан Митев одамна ги прошири меридијаните и ја надмина дефиницијата за домашна ѕвезда. Тој е вистински меѓународен уметник и амбасадор на македонската култура, чии концерти пред македонската дијаспора се повеќе од настапи – тие се емотивно враќање дома, во прегратките на мајката татковина. Автор на сопствените песни, талентиран инструменталист, високообразован музичар и човек чиешто достоинство стои цврсто зад секој отпеан стих. Тој создава музика која останува да сведочи за времето и за душата на нашиот народ.

Голема енергија, врвна емоција и незаборавна музичка вечер ни се подготвуваат на долгоочекуваниот концерт кој ќе ги разнесе срцата на сите љубители на вистинската македонска песна.

📅 Дата: 26.12.2026 година

📍 Место: СЦ „Јане Сандански“, Скопје

Генерален спонзор на овој грандиозен македонски фолк спектакл е Адора Бизнис Клуб.

Подгответе се за вечер во која песната ќе го стопи секое срце, а македонскиот мелос ќе ечи посилно од кога било досега. Да бидеме дел од една ноќ која ќе се памети и раскажува! Бидете дел од музичката магија на Јордан Митев!

Прочитај повеќе