Радовиш
„ГЕНЕРАЛКА ВИКЕНД“, во општина Радовиш во соработка со општинските јавни претпријатија, основните училишта и средното училиште
Како дел од Проектот „ГЕНЕРАЛКА ВИКЕНД“, општина Радовиш во соработка со општинските јавни претпријатија, основните училишта и средното училиште, спроведе масовна акција за чистење на дивите депонии, речните корита, парковите и останатите зелени површини во градот и населените места.
„Масовната вклученост на учениците, придонесе денес да бидеме горди на акцијата „ГЕНЕРАЛКА ВИКЕНД“.Упатуваме огромна благодарност до општинските основни училишта „Никола Карев“, „Крсте Петков Мисирков“, „Орце Николов“ од Ињево со подрачните училишта во Калугерица и Злеово, „Кирил и Методиј“ од Ораовица, „Коста Рацин“ од Подареш и секако до СОУ „Коста Сусинов“ – особено до овогодишните матуранти, кои покажаа сериозна еколошка свест и мотивација за чист Радовиш. Голема благодарност и до ЈП „Плаваја“ кои професионално одговорија на својата задача, како и до ОВР Радовиш и Црвениот крст за нивната поддршка.Собрани се повеќе од 300 вреќи отпад од дивите депонии, речните корита, парковите и останатите зелени површини во градот и населените места.Акцијата „ГЕНЕРАЛКА ВИКЕНД“ е всушност првиот дел од големата кампања на општина Радовиш “ЧИСТА ОПШТИНА – ЧИСТИ СРЦА”, која почнува овој месец а ќе следуваат уште повеќе акции и хепенинзи кои ќе имаат една и само една цел – чист и убав Радовиш“ велат од општина Радовиш.
Се чистеше на повеќе локации : Кругови на основни и средно училиште, Речно корито на радовишка река, Пат кон градска депонија, Паркинг Орел, Автобуска, Градски полигон, Парк на ул. Кирил и Методиј (Техналк), Парк и игралиште на ул. Вардарска (Мрежите), Круг на стара касарна, Регионален пат кон Плачковица, Парк Тошко Кукутанов и околу основен суд, Улица Плачковица (кај Бозгелот),Круг околу Сп.сала и Шампион, Паркови и главни улици по населени места, Градски парк и парк на млади.
„Меѓународниот детски фолклорен фестивал Оро Весело -2023“ и годинава ќе се одржи во Радовиш, во сабота на 3 јуни, а во чест на празникот Света Троица, кој некогаш бил празник на градот, а сега е празник на црковниот храм Света Троица.
ФА „Бучим“ од Радовиш, по 23 пат е организатор на фестивалот Оро Весело, на кој ќе учествуваат 12 фолклорни ансамбли од Македонија и 2 од соседните државо Србија и Бугарија.
На фестивласката вечер која ќе се одржи во Спортската сала „25-ти Мај“ во Радовиш со почеток од 19 часот, и претходи дефиле низ градот, прием кај градоначалникот на Општина Радовиш Ацо Ристов, а во 18:30 часот децата ќе бримат благослов од свештените лица во црковниот храм Света Троица, по што ќе се одржи фестивалот, кој на некој начин веќе стана белег на Радовиш.
Домаќините ФА Бучим од Радовиш кои се организатори на „Меѓународниот детски фолклорен фестивал Оро Весело“ ќе настапат со дечињата од школата за традиционален фолклор и две детски групи.
Инаку ФА Бучим во моментот брои околу 80 млади членови, а некогаш оваа бројка се движела околу 160 фолклористи.
Радовиш
Младите одбојкари од ООУ „Коста Рацин“ од Подареш го освоија првото место на Државното првенство во одбојка
Градоначалникот на општина Радовиш Ацо Ристов оствари прием на учениците, спортисти-одбојкари од ООУ „Коста Рацин“ од Подареш.
Повод за овој прием од страна на Градоначалникот беше освојувањето на првото место на Државното првенство во одбојка – Мали олимписки игри, организирано од Федерација на училишен спорт на Македонија.
Градоначалникот Ацо Ристов и Претседателот на Советот Моника Трајанова им ги честитаа постигнатите успеси, со надеж дека истите ќе продолжат.
Градоначалникот Ристов рече дека е горд на младите спортисти што упешно го промовираат Радовиш како град и спортот во него и најави поддршка на клубот и во иднина.
Постигнатите успеси на овие наши млади одобојкари се под менторство на професор Симеон Џеков, која го формира клубот и активно ги подготвува младите одбојкари. За таа цел од пред речиси една година Спортската сала „25 Мај“ во Радовиш со мали измени за обележување на теренот и поставување мрежа, створи услови за за тренирање на одбојкарите. Тие веќе извесен период забележуваат успеси за сега да станата прваци на Државното првенство во одбојка – Мали олимписки игри, организирано од Федерација на училишен спорт на Македонија.
Лидерот на ВМРО ДПМНЕ Христијан Мицкоски беше во посета на Општина Конче
МНР: Стапуваа на сила трите договори во рамки на Берлинскиот процес
Викендов, во Радовиш ќе се одржи МДФФ „ОРО ВЕСЕЛО“
Во недела во Радовиш ќе се одржи Државно првенство за кадети У20 во борење слободен стил
