Connect with us

Радовиш

Со положување на свежо цвеќе, во Радовиш одбележан Денот на победата над фашизмот и Денoт на Европа 9 Мај

Avatar

Published

на

Со положување на свежо цвеќе  на спомен обележјето на паднатите борци во Паркот на младите, денеска во Радовиш беше одбележан Денот на победата над фашизмот и Денoт на Европа 9 Мај. Во организација на Сојузот на борците и Општина Радовиш овој ден се одбележува секоја година во знак на сеќавање на завршувањето на Втората светска војна во Европа во 1945 година и почеток на создавањето на Европската унија, пет години подоцна.

 Оваа година се одбележува 78-годишнина од завршувањето на Втората светска војна, кога на 9 мај, нацистичка Германија и нејзините сојузници биле принудени да го потпишат договорот за капитулација и да го признаат поразот.

Свежо цвеќе положија; Делегација од Општина Радовиш со градоначалникот Ацо Ристов, делегација од Советот на Општина Радовиш, делегација од  Сојузот на Борците, делегација од  политичката партија на ВМРО ДПМНЕ, делегација од  политичката партија на СДСМ со пратеникот Коле Чаракчиев и делегација од форумот на жени од СДСМ.

Градоначалникот Ацо Ристов во оваа прилика упати порака до граѓаните и до младите посебно, овој ден да не се заборава, бидејќи како што рече слободата не е подарена и за неа паднале многу жртви.

„Борбата за слободата се уште трае и треба да продолжи, но на еден поинаков начин за да си ја сочуваме државата и слободата во неа“, рече Ристов, додавајќи дека денешниот ден, е ден на победата.

Радовиш

Во завршна фаза е изградбата на помошниот терен со вештачка трева на Градскиот стадион во Радовиш

Avatar

Published

на

Градоначалникот на Општина Радовиш Ацо Ристов денеска изврши увид во градежните работи кои се во завршна фаза за изградба на помошниот терен со вештачка трева на Градскиот стадион во Радовиш каде што веќе се поставува вештачката трева, а претходно беше поставена и дренажа.

„По завршување на градежните работи на помошниот терен ќе се продолжи со изградба и реконструкција на главниот терен на фудбалскиот стадион во Радовиш. На теренот ќе биде поставена нова дренажа со нов електронски систем за наводнување и нова тревна подлога“, информираат од Општина Радовиш.

Прочитај повеќе

Радовиш

Tрибина за Превенција на насилно однесување во основните училишта, ќе се одржи во Радовиш

Avatar

Published

на

Бидејќи децата се идните креатори на општеството, од круцијално значење е тие да израснат во ментално здрави личности. А поради порастот на насилства во училиштата, потребата за отворено зборување на оваа тема е се почеста и попотребна.

Токму затоа педагозите од основните училишта од општина Радовиш и Конче ќе одржат трибина за Превенција на насилно однесување во основните училишта, се со цел да се потенцираат последиците од насилните однесувања во училиштата, како и начините за справување со истите.

Свое излагање ќе имаат самите педагози и психолози, представници од ОВР Радовиш и Др.Сања Васовиќ-семеен психотерапевт и специјализант на психијатрија, трибината ќе биде од отворен карактер за сите наставници, родители, старатели и ученици.

Трибината ќе се одржи во Музејот на љубовта и уметноста на 28 март во 18ч.

Прочитај повеќе

Радовиш

На подрачјето на Радовиш, санкции за 24 возачи за прекршувања на брзината

Avatar

Published

на

На 24.03.2024 во времето до 14.00 до 20.00 часот на подрачје на Секторот за внатрешни работи Струмица била спроведена засилена контрола за санкционирање на возачи кои управуваат моторни возила со брзина поголема од дозволената. Притоа биле констатирани 78 прекршувања на брзината, од кои по 24 на подрачјата на Струмица и Радовиш, 16 на подрачје на Гевгелија и 14 на подрачје на Валандово. Сите констатирани прекршоци биле соодветно санкционирани.

Прочитај повеќе