Василево
ООУ „Гоце Делчев“, Василево го одбележа патрониот празник
ООУ „Гоце Делчев“ од Василево, денеска на свечен начин, со полагање свежо цвеќе пред бистата на патронот и пригодна програма подготвена од учениците, го одбележа својот патрон празник и 120 годишнината од смртта на великанот Делчев.
„Денес ние како граѓани на оваа земја треба да го продолжиме наследството на Гоце Делчев и да го продолжиме неговиот борбен дух и пример. Со дадената привилегија да го имаме основното училиште со неговото име мораме да се заложиме за почитување на неговата мисија и дело, порача директорот на училиштето Дејан Стојанов во своето обраќање пред присутните.
На присутните им се обрати и градоначалникот на општина Василево Славе Андонов:
„Ми претставува чест и задоволство, денес, заедно со сите Вас, да се поклониме пред бистата на великанот, патронот на нашето училиште, еден од најголемите македонски синови, Гоце Делчев, да одбележиме 120 години од неговата смрт, од убиството со кое згасна животот на младиот револуционер, но не и неговата идеја, која ние, неговите наследници, синовите и ќерки македонски, ја шириме повеќе од еден век, рече градоначалникот Андонов, кој упати и посебна порака до учениците: Драги ученици, знаењето е вашата моќ. Нека биде ваш најголем сојузник на патот кон успехот и посакуваната светла иднина. Вашите резултати нека бидат наша причина за гордост. Вашиот успех нека биде добриот глас и пораката испратена од нашето училиште, дека токму во духот на Гоцевата максима, со силата на знаењето ја покажувате моќта и насоката во која се движите“ порача Андонов.
Учениците на најубав можен начин, преку пригодна програма покажувајќи ги своите знаења и вештини го чествуваа името и делото на големиот Гоце Делчев- патронот на училиштето.
Денес, првачињата од ООУ „Атанас Нивичански“, Нова Маала, на свечена церемонија беа примени во Детската организација. Сложно, во еден глас повторувајќи ги зборовите од Заветот по својата директорка, ветија дека ќе ги почитуваат наставниците, ќе ги решаваат зададените задачи и ќе се дружат со другарчиња во училишниот двор, притоа искрено, детски барајќи прошка за направените грешки.
Честитки по тој повод им упатија директорката на училиштето Марија Костуранова и градоначалникот на општина Василево, Славе Андонов, кој во своето обраќање им вети континуитет во подобрување на условите во кои ќе се одвива нивното образование, бидејќи како што кажа тие се нашата иднина во која е неопходно постојано вложување.
Добредојде во најголемото детско семејство- Детската организација, со специјално подготвена училишна програма им посакаа и нивните повозрасни другарчиња.
Според информација од директорката, во ООУ „Атанас Нивичански,“, во учебната 2023/2024 година запишани се вкупно 36 првачиња.
Синоќа во населеното место Пиперево заврши Меморијалниот турнир во мал фудбал Ч’крче 2023 година, кој и годинава се одржа под покровителство на општина Василево. Во конкуренција од вкупно 14 екипи победник беше екипата на Спорт лајф, кои во финалето со резултат од 4:2 ја совладаа екипата на Вики маркет.
Во дуелот за третото место екипата на Алуметал Стил ги совлада ривалите од К1 и се пласираше на третото место.
Организаторот имаше обезбедено парични награди за најдобрите екипи и тоа: 40 000 денари за прво пласираните, 20 000 денари за вторите, 10 000 денари за третопласираните и 10 000 денари за четвртите.
На турнирот беа прогласени и наградени и најдобрите поединци: Игор Гонев од Вики маркет за најдобар голман доби дрес, Трајче Димитров од екипата на Спорт лајф за најдобар играч и Никола Радојчиќ од екипата на Алуметал стил за најдобар стрелец. За нив организаторот имаше обезбедно фудбалски топки.
На турнирот натпревар одиграа и две екипи во јуниорска категорија и тоа ФК Единство и Агро Глобал и двете од населеното место Пиперево, кои, според зборовите на организаторот се иднината и продолжувачите на овој традиционален Турнир. За нив беа обезбедени медали.
„Чинот на моето присуство на турнирот е најдобриот показател за мојот и односот на општина Василево кон поддршката на спортот во општина Василево и негувањето на спортскиот дух, а со тоа и промоцијата на спортот меѓу младите на општина Василево,“, изјави градоначалникот на општина Василево, Славе Андонов, кој присуствуваше на Турнирот.
Меморијалниот Турнир Ч’крче се одржува во во чест и спомен на прерано починатиот Славе Стојанов – Ч’крче од населенто место Пиперево. Турнирот започнува на празникот Петровден.
Прием на првачињата од ООУ „Атанас Нивичански“ во Детската организација
Пензиите ќе се зголемат за околу 6%, за толку се обезбедени средства во Буџетот со прераспределбата
Седум најдобри извори на КОМПЛЕТНИ ПРОТЕИНИ: Можете да ги вклучите во вашата секојдневна исхрана
Листа на нај-економични Дизел Автомобили
