Радовиш
Општина Радовиш започна со активности за реализација на проектот ЗЕЛЕНА ТОПЛИНА
Вчера се одржа првиот состанок на Локалната група на чинители за проектот Зелена Топлина, кој има за цел да воведе комунално централно греење базирано на обновливи извори на енергија во пет јавни згради во градот.
На средбата присуствуваше и градоначалникот на Радовиш, Ацо Ристов, кој го презентираше проектот пред членовите на групата, вреден околу 1,5 милиони евра, обезбеден грант. Општината очекува дека овој проект ќе ги поврати средствата за околу 3 години, кои потоа ќе бидат инвестирани во инфраструктурни проекти. Станува збор за производство на електирчна енергија која ќе се користи за затолување но и за ладење на петте јавни институции: Општинска зграда, Спортска сала “25 Мај“ , ООУ „Крсте Петков Мисирков“, СОУ „Коста Сусинов“ и ДГ „Ацо Караманов“ – објект, Детско изворче.
Градоначалникот ги објасни спецификите на проектот и ги истакна придобивките од зелените извори на енергија. Тој ја истакна важноста на проектот за градот, наведувајќи дека тој е значаен чекор кон одржлива иднина.
Еден од клучните резултати на состанокот беше зголеменото ниво на транспарентност во проектот. Членовите на групата имаа можност да поставува прашања и да добијат одговори од градоначалникот и проектниот тим.
Проектот Зелена топлина се реализира во соработка со Европската унија, Министерството за локална самоуправа и граѓанската организација ЦеПроСард од Скопје. Проектот ја покажува посветеноста на општината за промовирање на еколошки практики и намалување на трошоците за енергија за јавниот сектор. Сите активности на проектот се очекува да биде завршени до 2025 година.
„Меѓународниот детски фолклорен фестивал Оро Весело -2023“ и годинава ќе се одржи во Радовиш, во сабота на 3 јуни, а во чест на празникот Света Троица, кој некогаш бил празник на градот, а сега е празник на црковниот храм Света Троица.
ФА „Бучим“ од Радовиш, по 23 пат е организатор на фестивалот Оро Весело, на кој ќе учествуваат 12 фолклорни ансамбли од Македонија и 2 од соседните државо Србија и Бугарија.
На фестивласката вечер која ќе се одржи во Спортската сала „25-ти Мај“ во Радовиш со почеток од 19 часот, и претходи дефиле низ градот, прием кај градоначалникот на Општина Радовиш Ацо Ристов, а во 18:30 часот децата ќе бримат благослов од свештените лица во црковниот храм Света Троица, по што ќе се одржи фестивалот, кој на некој начин веќе стана белег на Радовиш.
Домаќините ФА Бучим од Радовиш кои се организатори на „Меѓународниот детски фолклорен фестивал Оро Весело“ ќе настапат со дечињата од школата за традиционален фолклор и две детски групи.
Инаку ФА Бучим во моментот брои околу 80 млади членови, а некогаш оваа бројка се движела околу 160 фолклористи.
Радовиш
Младите одбојкари од ООУ „Коста Рацин“ од Подареш го освоија првото место на Државното првенство во одбојка
Градоначалникот на општина Радовиш Ацо Ристов оствари прием на учениците, спортисти-одбојкари од ООУ „Коста Рацин“ од Подареш.
Повод за овој прием од страна на Градоначалникот беше освојувањето на првото место на Државното првенство во одбојка – Мали олимписки игри, организирано од Федерација на училишен спорт на Македонија.
Градоначалникот Ацо Ристов и Претседателот на Советот Моника Трајанова им ги честитаа постигнатите успеси, со надеж дека истите ќе продолжат.
Градоначалникот Ристов рече дека е горд на младите спортисти што упешно го промовираат Радовиш како град и спортот во него и најави поддршка на клубот и во иднина.
Постигнатите успеси на овие наши млади одобојкари се под менторство на професор Симеон Џеков, која го формира клубот и активно ги подготвува младите одбојкари. За таа цел од пред речиси една година Спортската сала „25 Мај“ во Радовиш со мали измени за обележување на теренот и поставување мрежа, створи услови за за тренирање на одбојкарите. Тие веќе извесен период забележуваат успеси за сега да станата прваци на Државното првенство во одбојка – Мали олимписки игри, организирано од Федерација на училишен спорт на Македонија.
Лидерот на ВМРО ДПМНЕ Христијан Мицкоски беше во посета на Општина Конче
МНР: Стапуваа на сила трите договори во рамки на Берлинскиот процес
Викендов, во Радовиш ќе се одржи МДФФ „ОРО ВЕСЕЛО“
Во недела во Радовиш ќе се одржи Државно првенство за кадети У20 во борење слободен стил
