Струмица
Претседателот Пендаровски во посета на семејната куќа на претседателот Борис Трајковски во Струмица
Објавено на
Од
Media Press
Претседателот Пендаровски ја посети семејната куќа на претседателот Борис Трајковски во Струмица.
„Споделивме спомени за неговата личност, посветеност како политичар, но и верник кој со политиката што ја водеше урна многу стереотипи и беше високо почитуван и дома и во меѓународната заедница„ вели Пендаровки.

Претседателот Стево Пендаровски во рамки на проектот „Лице в лице со претседателот“ вчера ги посети општините Ново Село и Струмица.
Во Ново Село на претседателот Пендаровски му беше претставен концептот „Форум во заедницата“, како втора фаза од проектот „Зајакнување на општинските совети“, чија цел е поголемо учество на граѓаните во процесите на одлучување во својата општина, подобрување на системот на локалната власт и севкупните услови за живот во локалните заедници, преку подобрување на законодавството и политиките, дигитализацијата на услугите, зголемената транспарентност и намалени можности за корупција.

Жителите на Ново Село денеска претставија шест проекти од областа на комуналната инфраструктура, од коишто самостојно ќе изберат еден кој ќе биде реализиран во нивната општина.
Претседателот Пендаровски изрази поддршка за проектот и посочи дека непосредното учество на граѓаните во процесите на одлучување во општините и политиките кои директно ги засегаат, придонесува за јакнење на локалната демократија.
„Учеството на граѓаните во процесот на одлучување во нивните општини е клучно за развојот на демократијата на локално ниво и преставува најдобар начин за канализирање на потребите и желбите на граѓаните. Или како што се вели – ништо за граѓаните, без граѓаните. Нема реален напредок, без локален напредок. Без учество на граѓаните, најпрво во своите заедници, а понатаму и во пошироките општествени процеси, не можеме да зборуваме за демократија и развиена граѓанска држава. Ако процесите не почнуваат од долу кон горе, од основата кон врвот, тогаш е јасно дека политичарите не можат да направат никаква промена затоа што ќе ја немаат поддршката од граѓаните”, истакна во обраќањето претседателот Пендаровски, потенцирајќи ја важноста од вклучување и учество на младите во овие процеси.
Проектот се спроведува во десет општини и е финансиран од швајцарската Влада и Министерството за локална самоуправа, а е кофинансиран и имплементиран од Програмата за развој на Обединетите нации – УНДП. На настанот се обратија градоначалникот на Ново Село, Ѓорѓе Божинов, постојаниот претставник на УНДП во земјава, Армен Григорјан и швајцарската амбасадорка, Вероник Улман.
Во Струмица претседателот Пендаровски ја посети семејната куќа на поранешниот претседател Борис Трајковски, каде со роднините на Трајковски споделија спомени за поранешниот претседател, неговата личност и за политиките што ги застапуваше.
Во Струмица, Претседателот се сретна и со шестгодишната Стефани Петковска која ја донираше својата коса за изработка на перики за децата болни од рак. Поздравувајќи ја храбрата постапка на младата хероина, претседателот изрази надеж дека нејзиниот пример ќе претставува мотив за сите останати во рамки на своите можности да им помагаат на ранливите групи и особено на децата кои се соочуваат со тешки болести, со цел полесно да ги надминат состојбите.

Поврзани содржини

Пендаровски: Нема предавање, се уште ништо не е одлучено, конечниот победник ќе се знае на 8 мај

Пендаровски од Радовиш: Мицкоски и Силјановска да се договорат што ќе прават со Преспанскиот договор

Претседателскиот кандидат Стево Пендаровски вчера беше со жителите на општините Чашка и Свети Николе, а синоќа во Велес

Пендаровски од Карпош: Точно за еден месец од денеска започнува мојот втор мандат

Мицкоски: На дебата со Пендаровски ќе одам кога ќе биде претседател на СДСМ

Пендаровски: Прифаќам дебата со сите седум кандидати било каде и под било какви услови, нека дојде и Мицкоски како осми шпицен кандидат
Струмица
Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица
Published
3 дена agoна
ноември 13, 2026By
Media Press
ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА
Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.
Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.
Најдобрите идејни решенија ќе ги избира стручна жири-комисија.
Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.
Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.
Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.
Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.
Струмица
Општина Струмица денес ја одржа 18-та седница на Советот на општина Струмица
Published
3 дена agoна
ноември 13, 2026By
Media Press
Нови развојни планови за Струмица, финансиска стабилизација и инвестиции во 2027 година!
На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.
Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.
Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.
На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.
Струмица
Ново мултифункционално игралиште во Куклиш
Published
3 дена agoна
ноември 13, 2026By
Media Press
НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште
Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.
Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!






