Струмица
Британскиот амбасадор Метју Лосон во посета на Општина Струмица, поводот беше тригодишно искуство на „Шелтер центар“ за жени и деца
Published
1 година agoна
By
Media PressГрадоначалникот на Општина Струмица Костадин Костадинов и Здружението на граѓани „Скај Плус“ , беа домаќини на средбата со британскиот амбасадор Метју Лосон, министерката за труд и социјална политика Јована Тренчевска и шефицата на канцеларијата на УНФПА во нашава земја Афродита Шаља.
Предмет на разговор на средбата беше позитивното тригодишно искуство од постоењето на струмичкиот „Шелтер центар“ за жени и деца – жртви на семејно насилство. На средбата беше истакната потребата и другите општини да го ползуваат примерот од Струмица, па за таа цел, во рамките на проект на Обединетите нации, финансиран од амбасадата на Обединетото кралство, „Скај плус“ веќе изработува прирачник кој ќе им послужи на општините, на најсоодветен начин да се справуваат со проблемот на семејното насилство и згрижувањето на жени и деца кои се жртви на таков вид насилство.
Во својата изјава за медиумите, градоначалникот Костадинов ја истакна одличната соработка со „Скај Плус“, како и фактот дека струмичкиот „Шелтер центар“ е дел од социјалната програма која се финансира од Буџетот на Општина Струмица.
Поврзани содржини
Лишени од слобода три лица од струмичко, агресивно се однесувале кон полициски службеници
На Светскиот ден на поезијата во Струмица ќе се одржат 16 Роднокрајни поетски средби
Тешка сообраќајна несреќа на патот Струмица – Ново Село, почина бебе
Одбележан чист понеделник со делење на бел посен грав на плоштадот во Струмица
Приведени три лица од Струмица, кај нив била пронајдена дрога
Денеска се одбележуваат 20 години од трагичната смрт на претседателот Борис Трајковски
Струмица
Приведен крадец во Струмица кој извршил тешка кражба во плац за градежни материјали
Published
22 часа agoна
март 27, 2024By
Media PressПриведен крадец во Струмица кој извршил тешка кражба во плац за градежни материјали.
Имено како што информира МВР, денеска (27.03.2024) во 01.45 часот во Струмица, полициски службеници од Секторот за внатрешни работи Струмица го лишиле од слобода Д.А.(32) од село Василево, струмичко. Тој бил приведен од полициските службеници веднаш по извршување на „тешка кражба“ во плац за градежни материјали во Струмица, при што кај него биле пронајдени предметите кои ги одзел.
Лицето е задржано во Полициската станица Струмица и за настанот е запознаен јавен обвинител од Основното јавно обвинителство Струмица. По целосно документирање на случајот против Д.А. ќе биде поднесена соодветна пријава.
Струмица
Струмичките пожарникари интервенирале на запалено возило
Published
6 дена agoна
март 22, 2024By
Media PressНа 21.03.2024 во Полициската станица Струмица било пријавено дека на ул.„Климент Охридски“ во Струмица настанал пожар на паркирано патничко возило „мерцедес“ со струмички регистарски ознаки. По интервенција на Територијалната противпожарна единица Струмица пожарот бил изгаснат, а повредени лица нема. Увид на местото извршила екипа на СВР Струмица.
На 20.03.2024 во Полициското одделение Ново Село било пријавено дека на локален пат во близина на село Сушево, струмичко, настанал пожар на паркирана работна машина – багер. Во пожарот повредени лица нема. Увид на местото на извршила екипа на СВР Струмица.
Струмица
Лишени од слобода три лица од струмичко, агресивно се однесувале кон полициски службеници
Published
7 дена agoна
март 21, 2024By
Media PressНа 20.03.2024 во 22.50 часот во Струмица, полициски службеници од СВР Струмица ги лишиле од слобода Б.Т.(31) од Струмица, О.К.(42) и П.С.(31), двајцата од село Баница, струмичко, затоа што агресивно се однесувале кон полициски службеници кои извршувале службени задачи. Лицата биле задржани во Полициската станица Струмица, а за настанот бил запознаен јавен обвинител од Основното јавно обвинителство Струмица.
По целосно документирање на случајот против лицата ќе биде поднесена соодветна пријава.