Василево
Денот на пролетта одбележан во општина Василево
Со садење дрвца во општинскиот двор, градоначалникот на општина Василево Славе Андонов и вработените во општината, симболично го одбележаа денот на пролетта.
„Со овој чин на садење дрвца во дворот, сакам да упатам порака дека секој од нас и со само едно засадено дрвце, може да даде придонес во одржувањето на животната средина и да оддаде благодарност за благодетите што ги уживаме од мајката природа“ , изјави градоначалникот Андонов кој исто така се вклучи и во еколошката акција организирана во ООУ „Гоце Делчев“ Василево во која учениците и вработените во училиштето го уредуваа и озеленуваа училишниот двор.
Доаѓањето на пролетта го поздравија и дечињата од детската градинка „Прва радост“, Василево, кои на симпатичен начин костимирани во јаготки и буба мари, продефилираа низ улиците на Василево посакувајќи и добредојде на пролетта.
Синоќа во населеното место Пиперево заврши Меморијалниот турнир во мал фудбал Ч’крче 2023 година, кој и годинава се одржа под покровителство на општина Василево. Во конкуренција од вкупно 14 екипи победник беше екипата на Спорт лајф, кои во финалето со резултат од 4:2 ја совладаа екипата на Вики маркет.
Во дуелот за третото место екипата на Алуметал Стил ги совлада ривалите од К1 и се пласираше на третото место.
Организаторот имаше обезбедено парични награди за најдобрите екипи и тоа: 40 000 денари за прво пласираните, 20 000 денари за вторите, 10 000 денари за третопласираните и 10 000 денари за четвртите.
На турнирот беа прогласени и наградени и најдобрите поединци: Игор Гонев од Вики маркет за најдобар голман доби дрес, Трајче Димитров од екипата на Спорт лајф за најдобар играч и Никола Радојчиќ од екипата на Алуметал стил за најдобар стрелец. За нив организаторот имаше обезбедно фудбалски топки.
На турнирот натпревар одиграа и две екипи во јуниорска категорија и тоа ФК Единство и Агро Глобал и двете од населеното место Пиперево, кои, според зборовите на организаторот се иднината и продолжувачите на овој традиционален Турнир. За нив беа обезбедени медали.
„Чинот на моето присуство на турнирот е најдобриот показател за мојот и односот на општина Василево кон поддршката на спортот во општина Василево и негувањето на спортскиот дух, а со тоа и промоцијата на спортот меѓу младите на општина Василево,“, изјави градоначалникот на општина Василево, Славе Андонов, кој присуствуваше на Турнирот.
Меморијалниот Турнир Ч’крче се одржува во во чест и спомен на прерано починатиот Славе Стојанов – Ч’крче од населенто место Пиперево. Турнирот започнува на празникот Петровден.
Со полагање свежо цвеќе пред спомен плочата која се наоѓа на влезот во населеното место Радичево, денеска беше одбележана 82-годишнината од средбата на струмичката и радовишката младина на која биле поставени темелите на идната заедничка револуционерна соработка.
За настаните од тој период, за целта и мотивите на тогашната средба беше прочитан реферат.
Пред спомен плочата се поклонија делегаии од општина Василево и од општинските одбори на Сојузот на борците од Струмица и Струмичко и Радовиш.
Што треба да содржи идеалниот појадок? Овие се идеални компоненти
Овие четири знаци на срцев удар се јавуваат 24 часа пред нападот
Што е USB-C интерфејс и кои се неговите предности?
Кој ќе ги сервисира? 97% од механичарите не знаат како да вршат основни поправки на електрично возило
