Пролетта е обично време кога одлучуваме да го реорганизираме просторот и да
додадеме сезонско освежување
Пролетта официјално започнува на крајот на март, но бидејќи по зимата сите
едвај чекаме убаво време, време е да дознаеме што не советуваат дизајнерите на
ентериер за следниот период
Како да
декорирате стан во пролет?
Рабови
Ако сакате
помеки рабови на вашиот мебел, тогаш имате среќа. Заоблениот мебел зема замав
оваа пролет.
– Фотелјите,
љубовните седишта, масичките за кафе и другите парчиња мебел ја имаат оваа
стилизирана заобленост што се чувствува како природен тек – големо отстапување
од тврдите рабови – објаснува дизајнерката на ентериер Бреган Џејн за The
Spruce.
Пастелни бои
Пастелите ќе се
вратат, но на посуптилни начини од вообичаеното. Дизајнерите советуваат да ги
помешаат со неутрални, за просторот да не биде премногу преоптоварен со боја.
Значи, можеме да ги споиме лавандата и зелената боја со неутрални бои за да
изгледаат свежо и модерно.
Старомодни
Винтиџ деталите
моментално се во тренд, а како што истакнуваат дизајнерите, секоја ера е
добредојдена оваа година.
Мешавина од старо и ново
Иако винтиџ
изгледот е во тренд, дизајнерите не уверуваат дека не мора да бидеме целосно
старомодни.
– Добро
избалансиран простор е резултат на совршена мешавина на тонови и текстури.
Додавањето винтиџ парчиња бара внимателно размислување, бидејќи секое парче мора
внимателно да се избере за да се создаде кохезивен дизајн кој раскажува
приказна, советува дизајнерката Анџела Хамвеј, пренесува The Spruce.
Полесни ткаенини и плетен мебел
Сега е време да
ги отфрлите тешките ткаенини, како кадифе, и наместо тоа да се одлучите за
полесни текстили, како памук и лен во поживописни бои.
– Лежерното
чувство на мебелот од ратан природно се вклопува во опуштените и новите
пролетни рутини. Исто така, додава топлина и текстура на внатрешните и
надворешните простори – објаснува дизајнерот на ентериер.